news
آٹھ دسمبر : سندھ ایم بی بی ایس اور بی ڈی ایس کے داخلوں کےلیے دوبارہ ایم ڈی کیٹ ٹیسٹ
سندھ میں ایم بی بی ایس اور بی ڈی ایس کے داخلوں کے لیے دوبارہ ایم ڈی کیٹ ٹیسٹ بروز اتوار 8 دسمبر کو ہو گا
یہ ٹیسٹ آئی بی اے سکھر کے تحت لیا جائے گا اس سلسلے میں آئی بی اے سکھر نے ٹیسٹ کے لیے اپنی تیاریاں مکمل کرلی ہیں
ٹیسٹ مراکز پر ہونے والی نقل روکنے کے لیے سخت اقدامات کرنے کا بھی فیصلہ کیا گیا ہے
امیدواروں کو شناخت کے لیے ایڈمٹ کارڈ / شناختی کارڈ / پاسپورٹ / ڈومیسائل / تصویر والی مارکس شیٹ میں سے ایک دستاویز لازمی اپنے پاس رکھنی ہو گی
رش سے بچنے کے لیے کراچی میں 3 امتحانی مراکز قائم کیے جائیں گے جبکہ حیدر آباد، میر پور خاص، نواب شاہ، سکھر اور لاڑکانہ میں بھی امتحانی مراکز بنائے گئے ہیں
سندھ حکومت نے آئی بی اے سکھر کو 38 ہزار 609 امیدواروں کے لیے 6 ہزار روپے فی کس کے مطابق 232.140 ملین روپے فراہم کیے ہیں