پاک ترک تعلقات پائیدار شراکت داری میں بدل رہے ہیں، وفاقی وزیر داخلہ محسن نقوی

وفاقی وزیر داخلہ محسن نقوی سے ترکیہ کے وزیر داخلہ علی یر لیکایا نے ملاقات کی
ملاقات میں پاک ترک باہمی دلچسپی کے امور پر تبادلہ خیال کیا گیا
اس موقع پر وفاقی وزیر داخلہ محسن نقوی نے کہا کہ ترکیہ کے ساتھ پاکستان کے تاریخی برادرانہ تعلقات ہیں اور پاکستان ترکیہ کے ساتھ گہرے مذہبی رشتے میں بھی منسلک ہیں انہوں نے کہا کہ ہمارے ترکیہ کے ساتھ تعلقات شراکت داری میں بدل رہے ہیں وزیر داخلہ محسن نقوی نے اس موقع پر اپنے ہم منصب کو پاکستان کے دورے کی دعوت بھی دی جس پر ترکیہ کے وزیر داخلہ نے جواب دیا کہ پاکستان ہمارا برادر ملک ہے اور میں جلد اسلام آباد کا دورہ کروں گا نیز ترکیہ کے وزیر داخلہ نے پاکستانی قیدیوں کی وطن واپسی کے لیے تعاون کی یقین دہانی بھی کروائی
انہوں نے کہا کہ اس حوالے سے پاکستان اپنے ماہرین کا وفد ترکیہ بھیجے تو ہم اس پر ہمدردانہ غور کریں گے
اس موقع پر وفاقی وزیر داخلہ محسن نقوی نے 23 اکتوبر کو انقرا میں دہشت گردوں کے حملے کی شدید مذمت کرتے ہوئے کہا کہ دہشت گردوں کا کوئی مذہب نہیں اور نہ ہی کوئی علاقہ دہشت گردی کے لیے مخصوص ہے یہ ایک عالمی چیلنج ہے اس سے نمٹنے کے لیے اقوام عالم کو جامع اقدامات اور مشترکہ حکمت عملی اختیار کرنے کی ضرورت ہے وزیر داخلہ محسن نقوی نے ساہا انٹرنیشنل ایکسپو پر بہترین انتظامات اور مہمان نوازی کے حوالے سے ان کا شکریہ ادا کیا