news
امیشا پٹیل کی نروان برلا کے ساتھ تصویر پر مداحوں کے تبصرے
بالی ووڈ کی معروف اداکارہ امیشا پٹیل نے بھارتی کاروباری شخصیت نروان برلا کے ساتھ اپنی ایک تصویر انسٹاگرام پر شیئر کی، جس کے بعد سوشل میڈیا پر قیاس آرائیاں اور دلچسپ تبصرے شروع ہوگئے۔ امیشا پٹیل نے تصویر کے کیپشن میں لکھا: “دبئی میں اپنے ڈارلنگ نروان برلا کے ساتھ ایک خوبصورت شام”۔ اس تصویر میں دونوں ایک دوسرے کے قریب نظر آ رہے تھے۔ اس پوسٹ پر سوشل میڈیا صارفین کی جانب سے مختلف قسم کے تبصرے کیے گئے، بعض نے اس جوڑی کے لیے نیک تمنائیں ظاہر کیں، جبکہ کچھ نے دونوں کی عمر میں 19 سال کے فرق پر دلچسپ تبصرے کیے۔ امیشا پٹیل کی عمر 49 سال ہے، جبکہ نروان برلا کی عمر 30 سال ہے۔ اس تصویر اور جوڑی پر عوام کی مختلف ردعمل نے اس تعلق کو عوامی سطح پر زیادہ توجہ حاصل کی۔