اے آئی سسٹم کے ذریعے بکریوں کی تکلیف کی شناخت کرنا آسان

آرٹیفیشل انٹیلیجنس سسٹم نے بکریوں کے اندر تکلیف دہ حالت کی نشاندہی کرنا شروع کر دی ہے
سائنس دانوں کا کہنا ہے کہ اس خصوصی ٹول کے ذریعے نہ صرف جانوروں کی فلاح کے عمل میں بہتری لائی جا سکتی ہے بلکہ اس سے بے زبان مریض جیسے کہ بچوں وغیرہ کی تشخیص کے طریقہ کار میں بھی ایک جدت پیدا ہو جائے گی
ماہرین کا کہنا ہے کہ جانور جو اپنی تکلیف بول کر نہیں بتا سکتے اور چھوٹے سے مسئلے سے بہت زیادہ پریشانی میں چلے جاتے ہیں اور ان کے لیے خصوصی ڈاکٹرز کا اہتمام کیا جاتا ہے آرٹیفیشل انٹیلیجنس کے اس ٹول کے ذریعے جانوروں کے اندر ان بیماری اور اس کی نوعیت کا سمجھنا بہت آسان ہو جائے گا
یہ سسٹم تکلیف دہ بکریوں اور پرسکون بغیر تکلیف کے بکروں کے چہروں کو فلما کر تیار کیا گیا ہے اور ان ویڈیوز کو ایک مشین لرننگ سسٹم میں ان پٹ کیا گیا جس سے ممکنہ طور پر تکلیف میں مبتلا بکروں کی نشاندہی ہو گئی
تحقیق کے مطابق سسٹم نے بکروں میں ان کی کیفیت اور حالت کی تشخیص 62 سے 80 فیصد کے درمیان درست بتائی ہے اس لیے سائنسدان پر امید اور پر عزم ہیں کہ اس میں مزید بہتری لائی جا سکتی ہے
اب تک اس سسٹم پر 40 بکروں کو پری ٹیسٹر کے طور پر استعمال کیا گیا ہے محققین پر امید ہیں کہ اس نظام کو مزید بکریوں اور دیگر قسم کے جانوروں پر بھی آزمایا جا سکتا ہے