news
لندن میں سابق چیف جسٹس آف پاکستان پر حملہ :ہائی کمیشن پاکستان نے باضابطہ شکایت درج کرا دی، پاکستان ہائی کمیشن
لندن میں سابق چیف جسٹس قاضی فائز عیسیٰ پر حملے کے واقعے کے حوالے سے پاکستان ہائی کمیشن نے کسی کو نامزد کیے بغیر باضابطہ شکایت درج کروادی ہے
اسکاٹ لینڈ یارڈ نے تصدیق کرتے ہوئے کہا ہے کہ وہ سابق چیف جسٹس آف پاکستان پر حملے سے آگاہ ہیں پولیس کا کہنا ہے کہ یہ واقعہ سٹی آف لندن میں پیش آیا جہاں کی پولیسنگ سٹی آف لندن کی ذمہ داری ہے۔
ذرائع کا کہنا ہے کہ اس سلسلے میں ڈپلومیٹک پولیس نے سٹی آف لندن سے رابطہ کیا ہے مگر پولیس نے ابھی تک ایکشن نہیں لیا۔
دوسری طرف پاکستانی حکام نے حملے میں ملوث 23 افراد کی نشاندہی بھی کی ہے اور ان کے نام پاسپورٹ کنٹرول لسٹ میں ڈال دیے گئے ہیں۔
مزید یہ کہ پاکستانی حکام حملے پر اکسانے میں ملوث 6 افراد کے خلاف سخت اقدام بھی کررہے ہیں