news
علامہ اقبال کی شاعری :عمل اور خود شناسی کی لازوال دعوت، وزیراعظم شہباز شریف
وزیراعظم شہباز شریف نے اقبال ڈے کے موقع پر علامہ اقبال کی شاعری اور فکری صلاحیتوں کو اجاگر کرتے ہوئے مفکرِ پاکستان علامہ ڈاکٹر محمد اقبال کے 147 ویں یومِ پیدائش پر اپنے پیغام میں کہا کہ علامہ محمد اقبال ایک صاحبِ بصیرت شاعر، فلسفی اور بلند پایہ شخصیت تھے ،اور علامہ اقبال کے افکار ونظریات اور تحریروں نے نہ صرف برصغیر بلکہ پوری دنیا پر گہرا اثر ڈالا، اقبال کے فلسفے نے برصغیر کے مسلمانوں کو متحد کر کے ایک علیحدہ وطن کا نظریہ دیا
انہوں نے کہا کہ پاکستان کا قیام مصورِ پاکستان کے تصور سے ممکن ہوا
آج شاعرِ مشرق علامہ اقبال کا 147 واں یومِ ولادت بڑی عقیدت و احترام سے منایا جا رہا ہے، اس موقع پر لاہور میں مزارِ اقبال پر گارڈز کی تبدیلی کی تقریب بھی منعقد ہوئی۔
پاکستان نیوی کے کمانڈر سینٹرل پنجاب ریئر ایڈمرل اظہر محمود اس تقریب میں مہمانِ خصوصی تھے۔
اس موقع پر پاک بحریہ کے دستے نے مزارِ اقبال پر اعزازی گارڈ کے فرائض سنبھالے۔