امریکہ کو پھر سے کامیاب بنائیں گے، ڈونلڈ ٹرمپ

منتخب امریکی صدر ڈونلڈ ٹرمپ نے اپنی وکٹری سپیچ میں کہا کہ ہم پھر سے امریکہ کو کامیاب بنائیں گے میری کامیابی امریکی عوام کی ہی کامیابی ہے اور میں ملک میں موجود ہر شہری کے حقوق کے لیے لڑوں گا
ڈونلڈ ٹرمپ نے اپنی سپیچ کے دوران کہا کہ یہ ملک کی تاریخ کی عظیم ترین سیاسی تحریک تھی جس میں میرے حامیوں نے میرے ساتھ مل کر بہترین انتخابی مہم چلائی ہم نے سینٹ کا کنٹرول حاصل کیا اور یہ امریکہ کی سیاسی کامیابی ہے جن لوگوں نے میرا اس کام میں بھرپور ساتھ دیا میں ان کا شکریہ ادا کرتا ہوں اور میں امریکی عوام کا بھی شکر گزار ہوں کہ انہوں نے مجھ پر اعتماد کیا
انہوں نے کہا کہ امریکی عوام نے ایسی کامیابی پہلے کبھی نہیں دیکھی امریکہ میں ایک سنہرے دور کا آغاز ہونے والا ہے ہم امریکہ کو بہتر سے بہترین بنائیں گے اور امریکہ کے زخموں پر مرہم رکھیں گے میں کسی صورت بھی امریکہ کو مضبوط بنانے تک چین سے نہیں بیٹھوں گا ہم ملک کو درپیش چیلنجز سے نمٹنے کے لیے خصوصی اقدامات کریں گے اور اب یہاں موجود سب لوگوں کے خواب پورے ہوں گے امریکہ اب نئی بلندیوں کو چھوئے گا سرحدوں کو سیل کرنا پڑے گا کیونکہ ہم نے اپنے بارڈرز کو محفوظ ترین بنانا ہے میں ہر دن آپ کے حقوق کے لیے لڑوں گا یہاں تک کہ تمام معاملات ٹھیک ہو جائیں ہم نے تمام مشکلات پر قابو پا لیا ہے اور نئے چیلنجز سے نمٹنے کے لیے تیار ہیں میرا ایجنڈا عوامی بہتری ہے اور میرے لیے مضبوط اور جمہوری روایات کا حامل امریکہ اولین ترجیح ہے کوئی نئی جنگ نہیں شروع کروں گا بلکہ پہلے سے موجود جنگوں کو ختم کروں گا