news
بھارتی اداکارہ ثناء سلطان کا مدینہ منورہ میں نکاح
بھارتی اداکارہ اور سوشل میڈیا اسٹار ثناء سلطان نے مدینہ منورہ میں محمد واجد سے نکاح کر لیا، جس کی تصاویر بھی سوشل میڈیا پر شیئر کی گئی ہیں۔ ثناء، جو بگ باس او ٹی ٹی 3 سے شہرت حاصل کر چکی ہیں، نے انسٹاگرام پر مدینہ میں ہونے والی اس نجی تقریب کی تصاویر شیئر کرتے ہوئے اپنی خوشی کا اظہار کیا۔
ثناء نے اپنی پوسٹ میں لکھا، “الحمدللہ، مجھے مدینہ جیسی پاکیزہ اور مقدس جگہ پر نکاح کی سعادت حاصل ہوئی ہے۔” انہوں نے اپنے شوہر کو “واجد جی” کہتے ہوئے دوست سے زندگی کے ساتھی بننے کے سفر کو محبت، صبر، اور ایمان کا خوبصورت تجربہ قرار دیا۔ ان کے مداح اور دوست انہیں دل کھول کر مبارکباد دے رہے ہیں۔