news
شہر کی ضرورت کا صرف 50 فیصد پانی دستیاب ہے، کراچی حکام
کراچی کے اکثر علاقوں میں پانی کی قلت ایک بحران کی شکل اختیار کر گئی ہے
اولڈ سٹی ایریا، لانڈھی، ناظم آباد، نارتھ ناظم آباد اور نیو کراچی سمیت مختلف علاقوں میں پانی کی فراہمی کئی ہفتوں سے بند ہے۔
پانی کے بحران کی موجودہ صورت حال سے نمٹنے کے لیے مہنگائی کی ماری عوام کراچی میں پانی خرید کر استعمال کرنے پر مجبورہو چکی ہے
دیگر کراچی کےکچھ علاقوں میں پانی کی لائنوں میں سیوریج اور گندا پانی ملنے کی شکایات بھی سامنے آئی ہیں۔
شہریوں کا کہنا ہے کہ واٹر اینڈ سیوریج کا بل وقت پر ادا کرنے کے باوجود ہمارے علاقوں میں نہ تو سیوریج کے مسائل پر توجہ دی جارہی ہے اور نہ ہی پانی مسئلہ حل کیا جا رہا ہے۔
دوسری طرف واٹر کارپوریشن کے حکام کے مطابق شہر کی ضرورت کا صرف 50 فیصد پانی ہی دستیاب ہے۔
حکام کا کہنا ہے کہ کے فور منصوبے کی تکمیل تک یہ مسئلہ حل نہیں ہو سکتا۔
