news
کراچی انکشاف: سرکاری سکولوں کو فراہم کی گئی کتابیں کاپیاں فروخت، پولیس ذرائع
کراچی میں سرکاری اسکولوں کو حکومت کی طرف سے دی گئیں کتابیں اور کاپیاں فروخت ہونے کا انکشاف ہوا ہے۔
پولیس کا کہنا ہےکہ شاہ لطیف ٹاؤن میں چھاپہ مار کر بڑی تعداد میں کتابیں اور کاپیاں برآمد کر لی گئی ہیں، یہ کتابیں اور کاپیاں ایک گھر کے اندر چھپائی گئی تھیں۔کتابیں اور کاپیاں گھر سے برآمد ہونے کا مقدمہ سرکاری مدعیت میں شاہ لطیف ٹاؤن تھانے میں درج کروا دیا گیا ہے نیز 2 ملزمان کو گرفتار بھی کر لیا گیا ہے
پولیس کا کہنا ہے ملزمان نے اس معاملے میں سندھ ٹیکسٹ بورڈ اور محکمۂ تعلیم کے عملے کے ملوث ہونے کا بھی انکشاف کیا ہے
درج بالا مقدمے کے مطابق ملزمان سرکاری اسکولوں کی کتابیں اور کاپیاں کور تبدیل کر کے بیچتے تھے، ملزمان سے 11 مختلف مضامین کی کتابیں برآمد ہوئ ہیں
پولیس ذرائع کے مطابق ملزمان محمود آباد، ملیر اور کورنگی میں موجودسٹیشنری دکانداروں کو یہ کتابیں اور کاپیاں فروخت کرتے تھے۔