news
پاک فضائیہ اور روسی دفاعی وفد کی ملاقات
روسی فیڈریشن کے نائب وزیر دفاع کرنل جنرل الیگزینڈر وی فومین کی قیادت میں ایک اعلی سطح کے وفد نے ائیر ہیڈ کوارٹرز اسلام آباد میں پاک فضائیہ کے سربراہ ایر چیف مارشل ظہیر احمد بابر سدھو سے ملاقات کی۔
اس ملاقات میں دونوں فریقین کے درمیان فوجی تعاون اور صنعتی تعاون کو فروغ دینے پر خصوصی توجہ دی گئی۔ جبکہ مشترکہ فوجی مشقوں اور پی اے ایف کے آلات کے لیے تکنیکی معاونت کے ذریعے موجودہ تعلقات کو بہتر اور مضبوط بنانے کے لیے بھی نئی راہیں ہموار کی گئیں۔
ملاقات میں ایئر چیف نے روس کے ساتھ فوجی تعلقات کو مضبوط بنانے پر زور دیا نیز تعاون پر مبنی تربیتی پروگراموں، مشترکہ فوجی مشقوں اور صنعتی تعاون پر بھی خصوصی توجہ دی
کرنل جنرل الیگزینڈر وی فومین نے حالیہ متاثر کن پیشرفت کو سراہا۔