news
شلپا سیٹی کے ریسٹورنٹ سے 80 لاکھ کی لگژری گاڑی چوری، بالی وڈ
بالی وڈ کی مشہور و معروف اداکارہ شلپا سیٹھی کے ممبئی میں واقعہ ریسٹورنٹ سے 80 لاکھ بھارتی مالیت کی لگژری گاڑی چوری ہو گئی
میڈیا ذرائع کے مطابق کار کے مالک اور باندرہ کے تاجر روحان خان نے ریسٹورنٹ کی پارکنگ سے اپنی قیمتی گاڑی کے چوری ہونے کی ایف آئی آر ممبئی کے شوا جی پارک پولیس اسٹیشن میں درج کروا دی
تفصیلات کے مطابق مالک نے اپنی کار کی چابیاں ریسٹورنٹ کے گارڈز کے حوالے کی تھیں جس کے بعد گاڑی کو پارکنگ ایریا میں کھڑا کیا گیا تھا لیکن تھوڑی ہی دیر بعد پارکنگ ایریا سے بی ایم ڈبلیو کو دو ملزمان چرا کر لے گئے
سی سی ٹی وی کیمرے کے ذریعے ملنے والی فوٹیج کے مطابق پارکنگ کے چند منٹ بعد ہی دو افراد نے جدید ہیکنگ تکنیک استعمال کرتے ہوئے بی ایم ڈبلیو کا دروازہ کھولا اور ایک شخص گاڑی ڈرائیو کر کے لے گیا جب مالک نے گارڈ کو پارکنگ ایریا سے باہر گاڑی لانے کے لیے کہا تو یہ واقعہ سامنے آگیا پولیس گاڑی کی تلاش میں ہے تاہم کار کے مالک نے ممبئی کے مہنگے ترین ریسٹورنٹ کی پارکنگ سے گاڑی غائب ہونے پر شدید غم و غصہ کا اظہار کیا ہے