news
محلاتی سازشوں کا دور ختم: 26 ویں آئینی ترمیم قومی یکجہتی اور اتفاق رائے کی شاندار مثال، وزیراعظم
وزیراعظم پاکستان محمد شہباز شریف نے 26 ویں آئینی ترمیم کی منظوری کو قومی یکجہتی اور اتفاق رائے کی مثال قرار دیا اور کہا کہ اب محلاتی سازشوں کا دور ختم ہو گیا اور میثاق جمہوریت کا ادھورا خواب پورا ہو گیا
جمہوریت کو لاحق خطرات ختم ہو گئے پارلیمان کے اندر رہنماؤں اور اہم سر کردہ افراد نے ذاتی مفادات سے ہٹ کر ملک اور قوم کے لیے عظیم کارنامہ سر انجام دیا پارلیمان کی یہ بالادستی اس کے مستقبل کو محفوظ اور روشن بنائے گی اس سے لوگوں کو انصاف کے حصول میں آسانی حاصل ہوگی
گزشتہ روز وزیراعظم نے ترمیم کے حق میں ووٹ دینے والے سربراہوں کے پاس جا کر ان کا شکریہ ادا کیا اور کہا کہ آج ایک تاریخی دن ہے اور قومی یکجہتی اور اتفاق رائے کی ایک اعلی مثال قائم ہو گئی ہے آج 2006میں وزیراعظم نواز شریف اور بے نظیر بھٹو کے درمیان ہونے والی مسا ق جمہوریت کا ادھورا خواب پورا ہو چکا ہے
ماضی کا تذکرہ کرتے ہوئے انہوں نے کہا میں آئینی ترمیم کی حمایت کرنے والے تمام رہنماؤں کا شکریہ ادا کرتا ہوں نیز یہ کہ بلاول بھٹو نے اس ترمیم کے لیے بڑی محنت کی ہے میں ترمیم کو ایک اہم سنگ مل قرار دیتا ہوں۔