news
عمران خان سے ملاقات کا مطالبہ یکسر مسترد
پاکستان تحریک انصاف (پی ٹی آئی) نے ڈی چوک اسلام آباد پر 15 اکتوبر کا احتجاج مؤخر کرنے کے لیے یہ شرط عائد کی ہے کہ پارٹی رہنماؤں کو بانی پی ٹی آئی عمران خان سے ملاقات کی اجازت دی جائے
پی ٹی آئی کے ترجمان شیخ وقاص اکرم نے گفتگو کرتے ہوئے کہا کہ حکومت اگر پارٹی رہنماؤں کی عمران خان سے ملاقات کرا دے تو ہم 15 اکتوبر کو احتجاج کی کال واپس لے لیں گے۔
جبکہ حکمراں جماعت مسلم لیگ ن نے بانی پی ٹی آئی عمران خان سے ملاقات کا یہ مطالبہ یکسر مسترد کر دیاہے
مسلم لیگ ن کے رہنما سینیٹر طلال چوہدری کے مطابق ملاقات کو بہانہ بنا کر شنگھائی تعاون تنظیم اجلاس کو متاثر کرنے کی مذموم کوشش ہے حکومت کو ملاقات کرانے کی ضرورت نہیں اور نہ کسی عدالت کی طرف سے ہدایت ہے۔
دوسری طرف بانی پی ٹی آئی سے ملاقات کے لیے تحریک انصاف نے وزارت داخلہ کو بھی خط بھیج دیا ہے جس میں چیئرمین پی ٹی آئی بیرسٹر گوہر علی خان اور حامد رضا کی بانی پی ٹی آئی سے ملاقات کی اجازت کا مطالبہ کیا گیا ہے۔