ہماری ترجیح میکرو اکنامک استحکام

نائب وزیراعظم اور وزیر خارجہ اسحاق ڈار نے پاکستان کے لیے سعودی عرب کی خدمات اور کوششوں کو سراہتے ہوئے کہا کہ سعودی عرب نے زر مبادلہ کی مد میں پاکستان کی قابل ذکر مدد کی ہے انہوں نے
سعودی عرب کی خدمات کا اعتراف اسلام آباد میں منعقد تقریب سے خطاب کرتے ہوئے کیا وزیر خارجہ اسحاق ڈار نے کہا کہ پاکستان سعودی عرب کی قیادت کو بڑی عزت و احترام کی نگاہ سے دیکھتا ہے ہم سعودی عرب کی آزادی اور خود مختاری کےخواہاں ہیں
وزیر خزانہ اسحاق ڈار نے کہا سعودی عرب کے وفد کا یہ دورہ پاکستان کے ساتھ سعودیہ کی شراکت داری کا عکاس ہے
پاکستان اور سعودیہ ہمیشہ ایک دوسرے کے کام آتے ہیں جب ہم مدینہ منورہ سے واپس آئے تو ہمیں شہزادہ سلمان کی طرف سے دعوت نامہ موصول ہوا ہمارے درمیان کاروباری معاملات وہیں طے پا گئے تھے
وزیر خارجہ نے کاروباری معاملات کا تذکرہ کرتے ہوئے کہا ہم کان کنی زراعت آئی ٹی اور سکیورٹی کے شعبوں میں کافی گنجائش محسوس کرتے ہیں جس کے لیے ہم سعودی عرب کے تاجروں کو پاکستان میں سرمایہ کاری کی دعوت دیتے ہیں
وزیر خارجہ اسحاق ڈار نے کہا کہ ہم اس وقت ترقی کی راہ پر گامزن ہیں اور وزیراعظم کی مکمل توجہ صرف معیشت پر ہے ہم کئی ایسے اداروں کی نجکاری کر رہے ہیں جن کی ریاست کو سٹریٹیجک ضرورت نہیں ہماری ترجیح میکرو اکنامک استحکام کا حصول ہے