وفاق نے ورلڈ بینک سے 400 ملین ڈالر کا فنڈ لے کر اپنی جیب میں رکھ لیا :بلاول بھٹو

کوئٹہ میں بلوچستان کے سیلاب متاثرین میں امدادی چیک تقسیم کرنے کی تقریب سے خطاب کرتے ہوئے بلاول بھٹو نے کہا پاکستان کے وسائل بہت ہی کم اور بلوچستان کے وسائل اس سے بھی زیادہ کم ہے۔انہوں نے کہا ن۔ لیگ اور پیپلز پارٹی میں حکومت سازی کے لیے معاہدہ ہوا تھا اور معاہدے کی شرط تھی کہ سیلاب متاثرین کی بحالی پہلی ترجیح ہوگی ۔

میں جانتا ہوں کہ وفاق کا حصہ سندھ کو دلانے میں کن مشکلات کا سامنا رہا ہے مجھے یوں لگتا ہے کہ بلوچستان کے ساتھ سوتیلا سلوک کیا جا رہا ہے ملک میں 2022 میں بدترین سیلاب آیا ہم بلوچستان کی عوام کی ہر ممکن مدد کریں گے وزیر خارجہ نےوزیراعظم کے ساتھ دنیا کے سامنے کھڑے ہو کر وعدے کیے ورلڈ بینک یورپی یونین سے فنڈنگ بحیثیت وزیر خارجہ حکومتی سطح پر اکٹھی کی اس فنڈنگ کا مقصد بے گھر افراد کو گھر بنا کر دینا ہے

وزیراعظم نے کہا کہ جتنی فنڈنگ ملے گی وہ متاثرین پر خرچ ہوگی ہم نے ہاؤسنگ پروجیکٹ کے فنڈ کا بندوبست کیا یہ میرا منصوبہ ہے جو ہم نے ورلڈ بینک کے سامنے رکھا سیلاب متاثرین کو صرف گھر بنا کر ہی نہیں دینا بلکہ انہیں زمین کا بھی مالک بنانا ہے سیلاب متاثرین کے لیے موسمیاتی تبدیلی سے بچنے کے لیے گھر بنانے ہیں سارے گھر ہم نے تو نہیں بنائے لیکن گھر بن رہے ہیں ہم نے ہاؤسنگ پروجیکٹ کی فنڈنگ کا بندوبست کیاوہ پیسہ کسی بابو یا بیوروکریٹ کے ہاتھ میں نہیں ہے2022 سے وفاق نے ایک بھی گھر نہیں بنایا میں بیرون ملک سے کیا گیا وعدہ سندھ میں پورا کر رہا ہوں یہ کام بلوچستان کی عوام کے ساتھ کیوں نہیں ہو رہا؟

وفاق آپ کو ایک روپیہ دے رہے ہیں وہ بھی اپنی جیب میں رکھا ہوا ہے میں چاہتا ہوں آپ یہ پیسہ فوری سیلاب متاثرین تک پہنچائیں سیلاب متاثرین کے لیے ورلڈ بینک سے پہلے صوبائی وفاقی حکومت کو مدد کرنا چاہیے آپ اپنا حصہ ڈالنے اور اپنا پیسہ دینے کو تیار ہیں تو دنیا سے مزید فنڈنگ بھی مل سکتی ہے وفا ق نے ورلڈ بینک سے 400 ملین ڈالر کا فنڈ لے کر اپنی جیب میں رکھ لیا