news
دلوں کو صرف محبت سے مسخر کیا جا سکتا ہے، وزیراعلی پنجاب مریم نواز شریف
سیرت النبی صلی اللہ علیہ وسلم کانفرنس سے خطاب کرتے ہوئے مریم نواز نے کہا میں بچپن سے اپنے گھر میں ربیع الاول کا مہینہ عقیدت و احترام سے مناتے ہوئے دیکھ رہی ہوں ہمارے گھر میں چراغاں ہوتا ہے نعت خوانی کی جاتی ہے اور نبی صلی اللہ علیہ وسلم کی ولادت کی خوشی کو جشن کی طرح منایا جاتا ہے
میں اج کے والدین خصوصا ماؤں سے یہ کہنا چاہوں گی کہ وہ اپنے بچوں کو رات کے وقت سلاتے ہوئے کہانیاں سنائیں،اس کے ساتھ نبی صلی اللہ علیہ وسلم کی حیات طیبہ کا ضرور بتائیں عشق نبی صلی اللہ علیہ وسلم ہماری رگوں میں خون کی طرح دوڑتا ہے اپ ہی وہ عظیم ترین ہستی ہیں جنہیں اللہ نے اپنا محبوب کہا ہیومن رائٹس کی بنیاد اپ صلی اللہ علیہ وسلم نے ہی رکھی خطبہ حجتہ الوداع میں اپ صلی اللہ علیہ وسلم نے پہلا انسانی چارٹر پیش کیا۔
وزیراعلی پنجاب نے خواتین اور بیٹیوں کے حقوق کا ذکر کرتے ہوئے کہا کہ معاشرے میں ان کی زیادہ بات نہیں کی جاتی لیکن میں ضرور کرنا چاہوں گی بیٹوں اور بیٹیوں کو تعلیم اور ہر لحاظ سے فرق کی نگاہ سے دیکھا جاتا ہے بیٹیوں کی تعلیم و تربیت بھی لڑکوں ہی کی طرح بہت اہم ہے معاشرے میں طلاق یافتہ یا واپس ا جانے والی بچی کو عزت کی نگاہ سے نہیں دیکھا جاتا جب کہ اپ صلی اللہ علیہ وسلم کی ایک حدیث کو ضرور بیان کرنا چاہوں گی کہ جب تمہارے پاس کوئی بیٹی لوٹا دی جاتی ہے تو اس کا تم پر حق پہلے سے بھی زیادہ ہو جاتا ہے۔