فیصل آباد میں موٹروے کے قریب سڑک پرڈکیتی کے دوران شوہر کے سامنے خاتون سے اجتماعی زیادتی کا واقعہ ،پولیس نے کارروائی کرتے ہوئے ڈکیتی کے دوران شوہر کے سامنے خاتون سے اجتماعی زیادتی میں ملوث ایک ملزم علی شیر کو گرفتار کر لیا گیا،گرفتار ملزم کا تفتیش کے دوران اعتراف جرم،تفصیلات کے مطابق پولیس کے مطابق اجتماعی زیادتی کا واقعہ موٹر وے کے قریب ساندل بار میں 2 روز قبل پیش آیا، جس کا مقدمہ3 افراد کے خلاف درج کیا گیا ہے۔
زیادتی کا شکار ہونے والی خاتون کے شوہر کاکہناتھاکہ ڈاکووں نے اسلحے کے زور پر ہمیں چنن کے قریب روکا اور مجھے درخت کے ساتھ باندھ کربیوی کو زیادتی کا نشانہ بنایا اور موبائل فونز اور نقدی چھین کر فرار ہو گئے۔
خاتون کے شوہر کے مطابق 2 ڈاکووں کے فون کرنے پر آنے والا ساتھی علی شیر تھا، علی شیر بھی اجتماعی زیادتی کرنے والوں میں شامل تھا۔
اس کے مطابق مدعی مقدمہ نے ایک ملزم کی نشاندہی بھی کی ہے۔ متاثرہ خاتون کے شوہر نے علی شیر نامی ملزم کو نامزدکیا ہے۔ پولیس کاکہنا ہے کہ خاتون کا میڈیکل اور جائے وقوعہ کا جیو فارنزک کرا لیا گیا ہے۔6 مشتبہ افراد کو حراست میں لے کر تفتیش کی جا رہی ہے۔ پولیس حکام کے مطابق چنن کے گاو¿ں کا رہائشی عدنان مسیح اپنی بیوی شمائلہ کے ہمراہ موٹر سائیکل پر زرعی یونیورسٹی جھنگ روڈ کیمپس سے گھر واپس جا رہا تھا کہ چنن کے موٹروے پل کے قریب موٹر سائیکل سوار دو ڈاکوو¿ں نے انہیں اسلحے کے زور پر روک لیا۔
ملزمان نے عدنان کو باندھ کر کھیت میں پھینک دیا اور بعد ازاں اپنے تیسرے ساتھی کو فون کر کے بلالیا اور تینوں ملزمان نے شمائلہ کو زیادتی کا نشانہ بنایا۔متاثرہ جوڑے نے ڈکیتی اورزیادتی کےایک ملزم کی نشاندہی کی اور بتایا دو ڈاکوو¿ں کے فون کرنے پر آنے والا ملزم علی شیر تھااور وہ بھی اجتماعی زیادتی میں شامل تھا۔دوسری جانب پولیس نے کارروائی کرتے ہوئے فیصل آباد میں ڈکیتی کے دوران زرعی یونیورسٹی کی ملازمہ سے مبینہ زیادتی کے واقعے پر نامزد ملزم علی شیر کو گرفتار کرلیا۔تھانہ ساندل بار پولیس کے مطابق گرفتار ملزم علی شیر نے تفتیش کے دوران اعتراف جرم کرلیا تاہم ملزم کی نشاندہی پر دیگر ملزمان کی گرفتاری کیلئے چھاپے مارے جارہے ہیں۔
