آئی بی اے سکھر کے وائس چانسلر ڈاکٹر آصف شیخ نے ہدایت کی ہے کہ سندھ حکومت ایم ڈی کیٹ کے ٹیسٹ سینٹر کے مرکز پر دفعہ 144 لگا دے
انہوں نے کہا کہ ٹیسٹ کی تمام تیاریاں مکمل ہیں اور کمشنرز کی زیر نگرانی مونیٹرنگ ٹیمیں بھی تشکیل دی جا چکی ہیں
وائس چانسلر سکھر کا کہنا ہے کہ رینجرز اور پولیس مراکز پر موجود رہیں گی اور وہ خود بھی کراچی میں دو ٹیسٹ مراکز پر موجود ہوں گا
آئی بی اے سکھر کے وائس چانسلر نے کہا کہ جامعہ کراچی میں سٹاف ٹاؤن گیٹ مسکن گیٹ اور میٹروپول گیٹ سے امیدواروں کی آمد و رفت ہوگی نیز این ای ڈی یونیورسٹی کے ٹیسٹ مرکز سے خواتین کے لیے ویزیٹر گیٹ کھولا گیا ہے
انہوں نے کہا کہ پرچے خود ان کی ذاتی نگرانی میں تیار کیے گئے ہیں نیز پرچوں کا سیل بنڈل صبح ساڑھے آٹھ بجے یونیورسٹی این ای ڈی میں صحافیوں کی موجودگی میں ہی کھولا جائے گا جبکہ امیدواروں کی آمد صبح ساڑھے آٹھ بجے سے شروع کر دی جائے گی
ڈاکٹر صاحب کے مطابق کل 38683 امیدوار ٹیسٹ میں شرکت کریں گے جن میں سے یونیورسٹی این ای ڈی کے 64 00 جامعہ کراچی سے 6449 حیدراباد سے 6404 جام شورو سے 6254 نواب شاہ سے 2786 لاڑکانہ سے 4802 سکھر سے 5586 امیدوار شرکت کریں گے
ان کا کہنا تھا کہ ایم ڈی کیٹ کے ٹیسٹ کے انعقاد کے لیے غیر جانبداری اور شفافیت کو یقینی بنایا گیا ہے اور اسی غرض سے ایف آئی اے صوبائی محکمہ صحت اور پی ایم اینڈ ڈی سی سے مدد بھی طلب کی گئی ہے اس کام کے لیے تینوں اداروں کو علیحدہ علیحدہ خطوط لکھے گئے تھے

وزیراعظم پاکستان کے سیاسی مشیر رانا ثنا اللہ کے ناقابل ضمانت وارنٹ گرفتار جاری کر دیے گئے ہیں
گجرانوالہ کی جوڈیشل مجسٹریٹ سدرا گل نواز نے یہ حکم جاری کیا ہے کہ انہیں 12 دسمبر تک گرفتار کر کے پیش کیا جائے
رانا ثنا اللہ کے خلاف سیٹلائٹ ٹاؤن تھانہ میں درج مقدمہ عدالت میں سماعت کے لیے پیش کیا گیا مقدمہ 16 اکتوبر 2020 کو گجرانوالہ میں پی ایم ڈی کے جلسے کے روز درج کروایا گیا تھا
ایف آئی آر کے مطابق رانا ثنا اللہ پر الزام ہے کہ انہوں نے
کنٹینرز ہٹاے اور پولیس اہلکاروں پر گاڑی چڑھائی ہے
مقدمے کے اندر خرم دستگیر عمران خالد سلمان خالد بٹ پہلے ہی بری ہو چکے ہیں
واضح رہے کہ پولیس نے رانا ثنا اللہ کے حوالے سے مقدمے کا چالان تاخیر سے جمع کروایا تھا
اور پولیس نے رانا ثنا اللہ کو بے گناہ قرار دیتے ہوئے 173 کی رپورٹ عدالت میں جمع کروا دی تھی
جس پر عدالت نے پولیس رپورٹ کو مسترد کرتے ہوئے رانا ثنا اللہ کو عدالت میں طلب کر لیا تھا اور رانا ثنا اللہ عدالت میں طلبی کے باوجود مسلسل غیر حاضر رہے اس لیے ان کے ناقابل ضمانت وارنٹ گرفتار جاری کر دیے گئے ہیں