news
شرم تم کو مگر نہیں آتی
عوامی امنگوں کا ترجمان نمائندہ قومی کھیل کرکٹ ہے جس میں پاکستان کے بچے بڑے بوڑھے جوان سبھی گہری دلچسپی رکھتے ہیں
محسن نقوی جو اس وقت دو اہم عہدوں کرکٹ اور وزارت داخلہ سے وابستہ ہیں کو پاکستان کی بنگلہ دیش کے ہاتھوں شرمناک شکست پر شدید تنقید کا سامنا ہے بہتر تو یہ تھا کہ وہ اپنی اس شکست کے بعد اس عہدے سے خود ہی مستعفی ہو جاتے
سینٹ میں بھی محسن نقوی کے خلاف شدید نعرے بازی ہوئی کہ وہ اس لائق نہیں۔ انہیں اس عہدے سے برطرف ہو جانا چاہیے قانون سازوں نے بھی بورڈ سے محسن نقوی کے استعفے کا مطالبہ کر دیا ان کا کہنا ہے کہ انہیں پی سی بی کا چیئرمین کیوں تعینات کیا گیا بیرسٹر سید علی ظفر نے بھی کہا کہ بنگلہ دیش نے پاکستان کو جو شکست دی اس سے نہ صرف ملک بلکہ ہر شہری کا سر شرم سے جھک گیا ہے اور اس شکست نے پاکستان کے بنگلہ دیش سے وابستہ پرانے غم پھر سے ہرے کر دیے کہ کس طرح چند نا عاقبت اندیش مہربانوں کے باعث بنگلہ دیش پاکستان سے جدا ہوا ۔کسی بھی نا اہل کو سیٹ پر بٹھانے کا یہی انجام ہوتا ہے کہ ادارہ بھی برباد اور رسوائی بھی گو کہ محسن نقوی بھی بے حد قابل انسان ہے مگر پی سی بی کے لیے نہیں
سینیٹر منظور احمد نے کہا کہ قوم کو کھلاڑیوں سے بڑی توقعات وابستہ تھیں مگر وہ ان پر پورا نہ اتر پائے کھیل اور کھیلاڑیوں پر ملک کی کثیر رقم خرچ ہوتی ہے کھلاڑی 40 سے 60 لاکھ ماہانہ تنخواہ کے علاوہ دیگر مراعات بھی حاصل کرتے ہیں حالیہ شکست سے نوجوان کرکٹ سے مایوس ہو کر کرکٹ کھیلنا اور دیکھنا چھوڑ چکے ہیں اس شکست کے بعد انہیں خود ہی استعفی دے دینا چاہیے گو کہ محسن نقوی سٹیڈیم کی آپ گریڈیشن بھی کر رہے ہیں مگر کھیل کے زیرو بم سے اگاہ نہیں
جوڈیشل کمیشن کے اجلاس میں جسٹس اعجاز سواتی کی بلوچستان ہائیکورٹ کے چیف جسٹس کے طور پر تقرری کی منظوری دی گئی۔ یہ اجلاس چیف جسٹس آف پاکستان جسٹس یحییٰ آفریدی کی صدارت میں منعقد ہوا، جہاں بلوچستان ہائیکورٹ کے چیف جسٹس کے عہدے کے لیے مختلف ناموں پر غور کیا گیا۔ اجلاس کے دوران، جوڈیشل کمیشن کے دیگر معزز اراکین نے جسٹس اعجاز کی اہلیت، تجربے اور عدالتی کارکردگی کی تعریف کی، جس کے بعد ان کے نام پر اتفاق رائے سے منظوری دی گئی۔
بعد میں، تفصیلی مشاورت کے بعد، جوڈیشل کمیشن نے جسٹس اعجاز کی بلوچستان ہائیکورٹ کے چیف جسٹس کے طور پر تقرری کی باضابطہ منظوری دی۔ اس سے پہلے، جوڈیشل کمیشن آف پاکستان کے 19 مئی کو ہونے والے اجلاس کا ایجنڈا تبدیل کیا گیا تھا۔
یہ بتایا گیا کہ اس اجلاس میں صرف بلوچستان ہائیکورٹ کے چیف جسٹس کا معاملہ زیر غور لایا جائے گا۔
جوڈیشل کمیشن آف پاکستان کی جانب سے اسلام آباد ہائیکورٹ، پشاور ہائیکورٹ اور سندھ ہائیکورٹ کے نام جاری کردہ اعلامیے میں کہا گیا تھا کہ کمیشن کے 19 مئی کو بلائے گئے اجلاس میں ان چیف جسٹس کی تقرری کا معاملہ موخر کر دیا گیا تھا۔ اس اجلاس میں ان چیف جسٹس کی تقرری کے معاملے پر غور نہیں ہوگا۔ اب 19 مئی کو جوڈیشل کمیشن کے اجلاس میں صرف بلوچستان ہائیکورٹ کے چیف جسٹس کی تقرری پر بات چیت ہوگی۔
اسلام آباد، 19 مئی 2025 – پاکستان میں معروف یوٹیوبرز عمران ریاض، صابر شاکر، صدیق جان، شہباز گل اور دیگر افراد کے خلاف ریاست مخالف مواد پھیلانے کے الزام میں قانونی کارروائی کا فیصلہ کیا گیا ہے۔ میڈیا رپورٹس کے مطابق پاکستان ٹیلی کمیونیکیشن اتھارٹی (پی ٹی اے) نے ان یوٹیوبرز کی فہرست حکومت کو پیش کر دی ہے اور ان کے یوٹیوب چینلز بند کرنے کے لیے باضابطہ اجازت طلب کرلی ہے۔
ذرائع کے مطابق مذکورہ افراد پر ریاستی اداروں کے خلاف بیانیہ فروغ دینے اور عوام کو گمراہ کرنے کا الزام عائد کیا گیا ہے۔ پی ٹی اے کی جانب سے مرحلہ وار کارروائی کا آغاز حکومت کی منظوری کے بعد کیا جائے گا۔
مزید یہ کہ قانون نافذ کرنے والے ادارے بھی سوشل میڈیا پر ریاست مخالف سرگرمیوں کی مسلسل نگرانی کر رہے ہیں۔ آنے والے دنوں میں نہ صرف ان یوٹیوبرز کے خلاف قانونی اقدامات کی توقع ہے بلکہ ممکنہ سوشل میڈیا پابندیاں اور گرفتاریوں کا بھی خدشہ ظاہر کیا جا رہا ہے۔
یوٹیوب کی پالیسی کے مطابق اگر کسی صارف کا چینل بند کیا جاتا ہے تو انہیں باقاعدہ اطلاع دی جاتی ہے اور وہ کسی دوسرے چینل کے ذریعے اس بندش کو بائی پاس کرنے کے مجاز نہیں ہوتے۔ یوٹیوب پارٹنر پروگرام کے تحت بند چینلز کو کوئی آمدنی نہیں دی جاتی اور ان کی غیر ادا شدہ رقم بھی روکی جا سکتی ہے۔
یہ پیش رفت پاکستان میں آن لائن مواد کے ضوابط اور ریاستی سیکیورٹی سے متعلق سخت موقف کی عکاسی کرتی ہے، جس کا مقصد مبینہ طور پر ملک دشمن پروپیگنڈے کا سدباب کرنا ہے۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
- انٹرٹینمنٹ8 years ago
پاکستانی فلم’نایاب‘سینماگھروں کی زینت بننےکوتیار،تاریخ سامنے آگئی
