Connect with us

news

ہوم اکنامکس یونیورسٹی میں ہیلن میری رابرٹ چیئر فار پیس اینڈ کنفلیکٹ اسٹڈیز قائم

Published

on

بریگیڈئیر ڈاکٹر ہیلن میری نے پیس چیئر کا افتتاح کیا

لاہور : ہوم اکنامکس یونیورسٹی میں شعبہ تاریخ و پاکستان اسٹڈیز کے تحت ہیلن میری رابرٹ چیئر فار پیس اینڈ کنفلیکٹ اسٹڈیز قائم کرنے کی تقریب میں پاک فوج کی بریگیڈئیر ڈاکٹر ہیلن میری کو خصوصی طور پر مدعو کیا گیا۔ وائس چانسلر یونیورسٹی آف ہوم اکنامکس پروفیسر ڈاکٹر فلیحہ زہرا کاظمی تقریب سے خطاب کرتے ہوئے کہا کہ پاکستان ایک امن پسند ملک ہے اور ہم سب کو اس بات پر فخر ہے کہ ہم اس ملک کے شہری ہیں،بریگیڈئیر ڈاکٹر ہیلن میری پاک فوج کا فخر ہیں۔ انھوں نے کہا کہ چیئر قائم کرنے کا مقصد امن کے فروغ کے لیے ہوم اکنامکس یونیورسٹی کے پلیٹ فارم سے تحقیقی کام کرنا ہے۔

اُن کا کہنا تھا کہ یونیورسٹیوں کو امن کے سفیر کا کردار ادا کرنا چاہیے۔ تقریب سے خطاب کرتے ہوئے بریگیڈئیر ڈاکٹر ہیلن میری نے کہا کہ تعلیم کا فروغ انسانیت کی خدمت کرنا ہے۔ انھوں نے کہا کہ پاکستان ہمیشہ سے امن پسند ملک رہا ہے اور ہمیں بھی اس روایت کو آگے بڑھانا چاہیے۔

ہمیں بھی ایک دوسرے کی حوصلہ افزائی کرنی چاہیے اور مل کر پاکستان کو امن کا گہوارہ بنانے کے لیے کام کرنا چاہیے۔ڈاکٹر ہیلن میری کا کہنا تھا کہ تعلیم صرف ایک ڈگری حاصل کرنے کا نام نہیں بلکہ یہ انسان کو ایک بہتر فرد بنانے کا ذریعہ ہے۔

انھوں نے اس بات پر زور دیا کہ ہر پاکستانی عالمی سطح پر ملک کے تاثر کو بنانے کے لیے کوشاں رہے۔ ڈاکٹر ہیلن میری کا پیغام واضح ہے کہ تعلیم، انسانیت کی خدمت اور امن، یہ تینوں ایک دوسرے سے جڑے ہوئے ہیں۔ اگر ہم تعلیم کو اہمیت دیں اور امن کو قائم رکھیں تو ہم ایک بہتر مستقبل کی تعمیر کر سکتے ہیں۔تقریب میں رجسٹرار ہوم اکنامکس یونیورسٹی شجاعت منیف قریشی سمیت اساتذہ اور طالبات بھی موجود تھیں۔

news

الیکشن کمیشن نے پتن کے دھاندلی الزامات مسترد کر دیے

Published

on

الیکشن کمیشن نے پتن کی جانب سے جاری کردہ رپورٹ پر اپنا ردعمل دیتے ہوئے گزشتہ انتخابات میں ہیرا پھیری، جبر اور دھاندلی کے الزامات کو مسترد کر دیا ہے اور انہیں ملکی اداروں کو بدنام کرنے کی سازش قرار دیا ہے۔ ترجمان الیکشن کمیشن کے مطابق پتن کے ایک نمائندے کا انٹرویو اور پتن کی پریس ریلیز مکمل طور پر بے بنیاد اور حقائق کے منافی ہیں۔ اگر کسی کے پاس بے ضابطگیوں کا مواد موجود ہے تو انہیں چاہیے کہ وہ متعلقہ امیدواروں اور متاثرہ فریقین کو فراہم کریں تاکہ وہ ٹربیونلز کے سامنے پیش کر سکیں اور پٹیشنز پر قانون کے مطابق کارروائی ہو سکے۔
ترجمان ای سی پی نے اپنے بیان میں کہا کہ ریٹرننگ افسران سے موصول ہونے والے تمام فارم 46، 45 اور 47 کو الیکشن کمیشن نے بغیر کسی تبدیلی کے اپنی ویب سائٹ پر شائع کیا ہے، جو آج تک موجود ہیں۔ اس سلسلے میں متاثرہ فریقین نے اپنی الیکشن پٹیشنز قانون کے مطابق الیکشن ٹریبونلز میں دائر کی ہیں، جن کی سماعت جاری ہے اور کچھ ٹربیونلز نے فریقین کا مؤقف سننے کے بعد پٹیشنز پر فیصلے بھی کر دیے ہیں۔
الیکشن کمیشن کے ترجمان کا کہنا ہے کہ ووٹرز کا ٹرن آوٹ الیکشن کمیشن کی سالانہ اور پوسٹ الیکشن رپورٹ میں شامل ہے، جو قانون کے مطابق شائع کی جا رہی ہیں، جبکہ خواتین اور غیر مسلموں کی مخصوص نشستوں کے حوالے سے کسی قسم کا تبصرہ نہیں کیا گیا۔

جاری رکھیں

news

سندھ میں کلائمٹ اسمارٹ ٹیکنالوجی متعارف، زرعی شعبے میں بڑی پیشرفت

Published

on

سندھ حکومت

سندھ نے زرعی شعبے کو فروغ دینے اور موسمیاتی تبدیلی کے چیلنجز سے نمٹنے میں بڑی کامیابی حاصل کی ہے۔

سندھ حکومت نے زرعی شعبے میں موسمیاتی تبدیلی کے اثرات سے نمٹنے کے لیے “کلائمٹ اسمارٹ ٹیکنالوجی” متعارف کرائی ہے۔

وزیر زراعت سردار محمد بخش مہر نے جدید زرعی پیداوار کے لیے “کلائمٹ اسمارٹ ٹیکنالوجی” منصوبے کا افتتاح کیا ہے۔

وزیر زراعت نے کیلے میں پناما ویلٹ بیماری کی روک تھام، کپاس کی جلد کاشت، اور زرعی اجناس میں جراثیم کی باقیات کے تجربے کے لیے ایم آر ایل لیبارٹری کا بھی افتتاح کیا۔

اس تقریب میں سیکریٹری زراعت سہیل احمد قریشی، ڈائریکٹر جنرل ریسرچ، زرعی سائنسدان اور دیگر افسران نے بھی شرکت کی۔

اس موقع پر سردار محمد بخش مہر نے کہا کہ امید ہے کہ ریسرچ ونگ مستقبل میں بھی ایسے ہی کامیاب منصوبے جاری رکھے گی۔ ملک میں موسمیاتی تبدیلیوں کی وجہ سے زراعت کو بڑا نقصان پہنچ رہا ہے۔

انہوں نے مزید کہا کہ اسمارٹ ٹیکنالوجیز کے ذریعے گندم کی آبپاشی میں 25 سے 30 فیصد تک بچت اور پیداوار میں 10 سے 15 فیصد اضافہ ممکن ہوگا۔

سردار محمد بخش مہر نے یہ بھی کہا کہ سرسوں جیسی کم پانی والی فصلوں کی کاشت خشک سالی کے دوران ایک بہتر متبادل ثابت ہو سکتی ہے، جبکہ موسمیاتی تبدیلی کے اثرات سے نمٹنے کے لیے کپاس کی جلد کاشت اور جدید ایم آر ایل لیبارٹری کا قیام بھی اہم پیشرفت ہے۔

جاری رکھیں

Trending

backspace
caps lock enter
shift shift
صحافت نیوز کی بورڈ Sahafatnews.com   « » { } ~