Connect with us

کاروبار

آئی ایم ایف کی شرط پر ایف بی آر کی پیشرفت — سرکاری ملازمین کے اثاثے پبلک کرنے کی تیاری

Published

on

آئی ایم ایف

اسلام آباد: وفاقی حکومت نے آئی ایم ایف کی ایک اور اہم شرط پوری کرنے کی جانب پیشرفت کرتے ہوئے سرکاری ملازمین کے اثاثے پبلک کرنے سے متعلق بڑا قدم اٹھا لیا۔

اس مقصد کے لیے فیڈرل بورڈ آف ریونیو (ایف بی آر) نے “سول سرونٹس کے اثاثہ جات کے گوشواروں کے اشتراک کے رولز 2023” میں مزید ترامیم کا مجوزہ مسودہ جاری کر دیا ہے۔
ان ترامیم کے تحت پبلک سرونٹ کی نئی تعریف شامل کی گئی ہے۔

ایکسپریس نیوز کے مطابق ایف بی آر نے مجوزہ ترمیمی مسودے پر عوام اور اسٹیک ہولڈرز سے آراء طلب کر لی ہیں۔
ادارے نے واضح کیا ہے کہ اگر کسی کو ان ترامیم پر اعتراض یا تجاویز ہیں تو وہ انہیں اشاعت کے سات دن کے اندر ایف بی آر کو ارسال کر سکتے ہیں۔

موصول ہونے والی تمام تجاویز اور اعتراضات کو حتمی فیصلے سے قبل غور و خوض میں شامل کیا جائے گا۔

مزید پڑھیں
تبصرہ کریں

Leave a Reply

Your email address will not be published. Required fields are marked *

کاروبار

پاکستان ترکیہ تیل و گیس معاہدہ، انرجی سیکٹر میں بڑی پیشرفت

Published

on

By

تیل و گیس کے نئے ذخائر

پاکستان کے تیل و گیس کے شعبے سے اہم پیشرفت سامنے آئی ہے۔ پاکستان ترکیہ تیل و گیس معاہدہ طے پا گیا ہے جس کے تحت ترکیہ کی نیشنل آئل کمپنی نے پاکستان کے انرجی سیکٹر میں باضابطہ انٹری دے دی ہے۔

پاکستان اور ترکیہ کی سرکاری کمپنیوں کے درمیان فارم آؤٹ ایگریمنٹ پر دستخط ہو گئے ہیں۔ یہ معاہدہ پاکستان پیٹرولیم لمیٹڈ (PPL) اور ترکش پیٹرولیم اوورسیز کمپنی کے درمیان طے پایا ہے۔

پاکستان پیٹرولیم لمیٹڈ نے اپنے شیئر ہولڈرز کو بھی خط ارسال کرتے ہوئے اس اہم پیشرفت سے آگاہ کیا۔ خط میں بتایا گیا کہ پی پی ایل نے ترکش پیٹرولیم کو آف شور ایسٹ انڈس سی بلاک کی آپریٹرشپ فروخت کر دی ہے۔ معاہدے کے تحت ترکیہ کو انڈس سی بلاک میں 25 فیصد حصہ دیا گیا ہے۔

ذرائع کے مطابق، اس پاک ترکیہ انرجی معاہدے کے لیے دونوں حکومتوں نے بھرپور تعاون کیا۔ اس اقدام سے پاکستان کے توانائی کے شعبے میں بیرونی سرمایہ کاری میں نمایاں اضافہ متوقع ہے۔

مزید یہ کہ انڈس سی بلاک میں ماری انرجیز اور او جی ڈی سی ایل (OGDCL) ک 20، 20 فیصد حصص ہیں۔ ماہرین کے مطابق یہ معاہدہ پاکستان کے توانائی وسائل کی ترقی میں نیا باب ثابت ہو گا۔

جاری رکھیں

کاروبار

پاکستان میں سونا مہنگا، فی تولہ قیمت نئی بلند ترین سطح پر

Published

on

By

سونا

پاکستان میں سونا مہنگا ہونے کا سلسلہ جاری ہے، ملکی تاریخ میں فی تولہ سونے کی قیمت ایک نئی بلند ترین سطح پر پہنچ گئی۔

آل پاکستان جیمز اینڈ جیولرز ایسوسی ایشن کے مطابق عالمی اور مقامی گولڈ مارکیٹس میں سونے کی قیمتوں میں ریکارڈ اضافہ دیکھنے میں آ رہا ہے۔ آج مقامی مارکیٹ میں 24 قیراط فی تولہ سونا 6900 روپے مہنگا ہوکر 4 لاکھ 35 ہزار 100 روپے کا ہوگیا۔

اسی طرح دس گرام سونا 5916 روپے بڑھ کر 3 لاکھ 73 ہزار 28 روپے کا ہو گیا۔ دوسری جانب چاندی کی فی تولہ قیمت 5247 روپے کی ریکارڈ سطح پر برقرار ہے۔

ماہرین کے مطابق عالمی مارکیٹ میں سرمایہ کاروں کی بڑھتی دلچسپی اور معاشی غیر یقینی کی صورتحال سونے کی قیمتوں کو اوپر لے جا رہی ہے۔

انٹرنیشنل گولڈ مارکیٹ میں بھی فی اونس سونا 69 ڈالر مہنگا ہو کر 4140 ڈالر کا ہو گیا۔ تجزیہ کاروں کا کہنا ہے کہ اگر یہی رجحان برقرار رہا تو آئندہ دنوں میں مقامی مارکیٹ میں سونے کی قیمت مزید بڑھ سکتی ہے۔

صرافہ مارکیٹ کے ماہرین کا کہنا ہے کہ عالمی معاشی بحران، ڈالر کی قدر اور مہنگائی کے دباؤ کے باعث پاکستان میں سونا مہنگا ہونا ناگزیر ہے۔ تاہم خریداروں کے لیے یہ صورتحال تشویش کا باعث بن چکی ہے کیونکہ شادیوں کے موسم میں زیورات کی قیمتیں پہنچ سے باہر ہوتی جا رہی ہیں۔

جاری رکھیں

Trending

Copyright © 2024 Sahafat Group of Publications . Powered by NTD.

backspace
caps lock enter
shift shift
صحافت نیوز کی بورڈ Sahafatnews.com   « » { } ~