کراچی: پاکستان اسٹاک ایکسچینج میں بدھ کے روز شاندار تیزی کا رجحان دیکھنے میں آیا، جس کے نتیجے میں انڈیکس تاریخ کی بلند ترین سطح پر جا پہنچا۔ پاکستان اسٹاک ایکسچینج کاروبار کا آغاز 543 پوائنٹس کی تیزی کے ساتھ ہوا، جس سے کے ایس ای 100 انڈیکس بڑھ کر ایک لاکھ 50 ہزار 314 پوائنٹس کی نئی بلند سطح پر پہنچ گیا۔ بعدازاں تیزی کا یہ سلسلہ جاری رہا اور انڈیکس بتدریج 797، 838، 1089، 1118، 1219 اور 1356 پوائنٹس بڑھ کر ایک لاکھ 50 ہزار 837 پوائنٹس کی نئی ریکارڈ سطح پر جا پہنچا۔ تاہم دن بھر کے دوران پرافٹ ٹیکنگ کے باعث کاروبار میں اتار چڑھاؤ کا رجحان بھی جاری رہا۔

پاک فوج کے سربراہ فیلڈ مارشل عاصم منیر کے حالیہ دورہ امریکہ کو پاکستان اور امریکہ کے تعلقات میں ایک نئی جہت قرار دیا جا رہا ہے۔ بین الاقوامی میڈیا اور تجزیہ کاروں کے مطابق یہ دورہ پاکستان کی سفارتی حکمت عملی کا اہم سنگ میل ہے۔ امریکی جریدے واشنگٹن پوسٹ نے اپنی رپورٹ میں کہا ہے کہ فیلڈ مارشل عاصم منیر کی قیادت میں پاکستان نے خارجہ پالیسی کے محاذ پر نمایاں کامیابیاں حاصل کی ہیں۔ رپورٹ کے مطابق بدلتے ہوئے عالمی منظرنامے اور سابق صدر ڈونلڈ ٹرمپ کے ممکنہ دوبارہ انتخاب کے باعث پاکستان کو درپیش چیلنجز کو دانشمندانہ حکمت عملی کے ذریعے موقع میں بدلا گیا اور وائٹ ہاؤس کے ساتھ قریبی روابط کو فروغ دیا گیا۔

مزید برآں، واشنگٹن پوسٹ نے پاکستان کے انسداد دہشتگردی اقدامات کو سراہتے ہوئے اسے ایک بڑی کامیابی قرار دیا، جس کے نتیجے میں امریکہ نے کالعدم تنظیم ’بی ایل اے‘ کو عالمی دہشتگرد قرار دے دیا۔ رپورٹ میں بتایا گیا کہ پاکستان نے امریکہ کو معدنی وسائل کی ترقی اور کرپٹو کرنسی کے منصوبوں میں شراکت داری کی پیشکش بھی کی ہے۔ اس کے علاوہ، صدر ڈونلڈ ٹرمپ نے پاکستان میں سرمایہ کاری میں دلچسپی ظاہر کی ہے جس سے دونوں ممالک کے درمیان معاشی تعلقات کا نیا دور شروع ہو سکتا ہے۔ بھارت کے ساتھ جنگ بندی کے بعد پاک، امریکا تعلقات میں مزید بہتری خطے میں امن و استحکام کے لیے خوش آئند پیش رفت ہے۔ یہ تمام سفارتی کامیابیاں نہ صرف پاکستان کے عالمی کردار کو مزید مؤثر بنا رہی ہیں بلکہ دنیا میں اس کی مثبت شبیہ کو بھی اجاگر کر رہی ہیں۔