بالی ووڈ کے بادشاہ شاہ رخ خان دسترخوان پر بیٹھ کر کھانا کھانے کے حوالے سے اپنی خوبصورت سوچ سے مداحوں کے دل ایک بار پھر جیت رہے ہیں۔ ان کا ایک پرانا ویڈیو کلپ سوشل میڈیا پر تیزی سے وائرل ہو رہا ہے، جس میں وہ نہایت عاجزی سے سنتِ نبوی ﷺ اور صحت مند زندگی کے اصولوں پر بات کرتے نظر آ رہے ہیں۔

ویڈیو میں شاہ رخ خان کہتے ہیں، ’’ہمیں بچپن سے سکھایا گیا کہ اگر ممکن ہو تو دسترخوان پر بیٹھ کر کھانا کھائیں، یہ ہمارے نبیؐ کی سنت ہے۔‘‘
انہوں نے مزید وضاحت کرتے ہوئے کہا کہ ’’جب آپ زمین پر ٹانگیں اندر کی طرف موڑ کر بیٹھتے ہیں اور کھانا کھاتے ہیں، تو معدے کا ایک تہائی حصہ دب جاتا ہے، اس طرح آپ زیادہ کھانے سے بچ جاتے ہیں اور جسم کو سکون ملتا ہے۔‘‘

شاہ رخ خان کے مطابق کھانے کے دوران اعتدال سب سے اہم ہے، کیونکہ ہم عام طور پر ضرورت سے زیادہ کھاتے ہیں، جو صحت کے لیے نقصان دہ ہوتا ہے۔ اداکار نے مسکراتے ہوئے کہا کہ ’’اگرچہ میں سائنسدان نہیں، مگر یقین رکھتا ہوں کہ دسترخوان پر کھانا جسم اور روح دونوں کے لیے بہتر ہے۔‘‘

یہ ویڈیو سوشل میڈیا پلیٹ فارمز پر لاکھوں بار دیکھی جا چکی ہے۔ مداحوں کا کہنا ہے کہ شاہ رخ خان نہ صرف ایک کامیاب اداکار ہیں بلکہ ایک باوقار اور روایتی سوچ رکھنے والے انسان بھی ہیں، جو اپنی ثقافت اور اسلامی اقدار کو دل سے مانتے ہیں۔

پیشہ ورانہ طور پر بات کریں تو شاہ رخ خان نے حال ہی میں 70 ویں فلم فیئر ایوارڈز میں شرکت کی، جہاں انہوں نے اپنے کیریئر کا پہلا نیشنل ایوارڈ جیتا۔ اب وہ اپنی نئی فلم “کنگ” میں جلوہ گر ہوں گے،

پاکستانی ڈمپل گرل ہانیہ عامر ہسپتال میں طبیعت بگڑنے کے باعث داخل کر لی گئیں۔ ذرائع کے مطابق انہیں امریکہ کے شہر ہیوسٹن میں اچانک طبیعت ناساز ہونے کے بعد اسپتال منتقل کیا گیا، جہاں ڈاکٹرز نے فوری طبی امداد فراہم کی۔

ہانیہ عامر نے چند روز قبل ہیوسٹن میں ہونے والے ہم ایوارڈز 2025 میں شرکت کی تھی، جہاں انہیں ’’گلوبل اسٹار ایوارڈ‘‘ سے نوازا گیا۔ ایونٹ کے دوران ان کی ایک ویڈیو سوشل میڈیا پر وائرل ہوئی تھی، جس میں وہ غیر آرام دہ اور تھکی ہوئی نظر آ رہی تھیں۔ اسی ویڈیو کے بعد مداحوں نے ان کی صحت کے بارے میں تشویش کا اظہار کیا تھا۔

ذرائع کے مطابق، تقریب کے اگلے روز ہانیہ عامر ہسپتال میں چیک اپ کے لیے داخل ہوئیں کیونکہ ان کی طبیعت اچانک بگڑ گئی تھی۔ سوشل میڈیا پر سامنے آنے والی تصاویر میں اداکارہ کمزور اور غیر صحت مند دکھائی دے رہی ہیں۔

ہانیہ عامر کی مینجمنٹ ٹیم نے اس حوالے سے تاحال کوئی باضابطہ بیان جاری نہیں کیا۔ تاہم قریبی ذرائع کے مطابق وہ اب بہتری کی جانب گامزن ہیں اور جلد وطن واپس لوٹنے کا امکان ہے۔

واضح رہے کہ ہانیہ عامر پاکستان کی مقبول ترین اداکاراؤں میں سے ایک ہیں۔ انسٹاگرام پر ان کے فالوورز کی تعداد 19 ملین سے زائد ہے، جو انہیں پاکستان کی سب سے زیادہ فالو کی جانے والی سلیبرٹی بناتی ہے۔ انہوں نے بھارتی اداکار دلجیت دوسانجھ کے ساتھ پنجابی فلم ’’سر دار جی 3‘‘ میں بھی اداکاری کے جوہر دکھائے۔

مداحوں نے سوشل میڈیا پر ان کی جلد صحت یابی کے لیے نیک خواہشات کا اظہار کیا ہے۔