وزیراعظم شہباز شریف نے پشاور کے آرمی پبلک اسکول (اے پی ایس) کے شہداء کو خراجِ عقیدت پیش کیا۔ انہوں نے کہا کہ اے پی ایس کے شہداء نے ملک کے مستقبل کے لیے اپنی جانیں قربان کیں۔

اپنے بیان میں وزیراعظم نے کہا کہ یہ دلخراش سانحہ قوم کے لیے ایک بڑا امتحان تھا۔ اس سانحے نے ہمارے دلوں کو غم سے بھر دیا، لیکن اس کے باوجود ہمارا حوصلہ پست نہیں ہوا۔

وزیراعظم نے اس عزم کا اعادہ کیا کہ پاکستان میں دہشت گردی کا خاتمہ ہی اس سانحے کا حقیقی انصاف ہوگا۔ انہوں نے کہا کہ قوم شہداء کے اہلخانہ کے غم میں برابر کی شریک ہے۔

شہباز شریف نے مزید کہا کہ آج پاکستان دوبارہ دہشت گردی کے خطرات سے دوچار ہے۔ ملک کے مختلف حصوں میں سیکیورٹی اہلکاروں اور معصوم شہریوں کو نشانہ بنایا جا رہا ہے۔

جسٹس طارق محمود جہانگیری عدالت میں پیش

اسلام آباد ہائیکورٹ میں ڈگری تنازعہ کیس کے دوران جسٹس طارق محمود جہانگیری خود عدالت پیش ہوئے۔
انہوں نے چیف جسٹس سرفراز ڈوگر کے بینچ میں بیٹھنے پر اعتراض کیا۔

اطلاعات کے مطابق، جب جسٹس جہانگیری روسٹرم پر آئے تو چیف جسٹس نے تمام وکلاء کو اپنی نشستوں پر جانے کا کہا۔
چیف جسٹس نے کہا: ’جہانگیری صاحب آئے ہوئے ہیں، آپ سب بیٹھ جائیں۔‘

جسٹس جہانگیری نے اپنے دلائل میں کہا:
’’مجھے رات کو نوٹس ملا ہے، مجھے وقت چاہیے۔ جب آپ قائم مقام چیف جسٹس تھے تو میں نے آپ کے خلاف درخواست دی تھی۔ ضابطہ اخلاق ہے، ہم دونوں جج ہیں۔‘‘

چیف جسٹس نے جواب دیا: ’’ہمارا اس کے خلاف کچھ لینا دینا نہیں ہے۔‘‘
جسٹس جہانگیری نے مؤقف اپنایا کہ یہ پہلی بار ہے کہ ہائیکورٹ جج نے ساتھی جج کو نوٹس دیا۔
انہوں نے کہا کہ ایچ ای سی نے بھی معاملے کو نہیں سنا، اور مجھے صرف تین دن کا نوٹس دیا گیا۔

جسٹس جہانگیری نے مزید کہا:
’’میری ڈگری جعلی نہیں ہے۔ سندھ ہائیکورٹ نے اس کو معطل کیا ہوا ہے۔ میں قرآن پر حلف کے لیے تیار ہوں کہ میری ڈگری اصلی ہے۔ کیس کسی اور جج کو بھیج دیا جائے تاکہ میں مکمل ریکارڈ دیکھ کر دلائل دوں۔‘‘