اسلام آباد میں پاکستان اور افغانستان کے درمیان اہم اقتصادی پیش رفت ہوئی ہے جہاں دونوں ممالک کے مابین ترجیحی تجارتی معاہدہ (پی ٹی اے) طے پا گیا ہے۔ معاہدے پر دستخط کی تقریب اسلام آباد میں منعقد ہوئی، جس میں پاکستان کی جانب سے سیکریٹری تجارت جواد پال اور افغانستان کی جانب سے ڈپٹی وزیر تجارت ملا احمد اللہ زاہد نے دستخط کیے۔ اس معاہدے کے تحت دونوں ممالک ایک دوسرے کی درآمدی اشیا پر ٹیرف میں نمایاں کمی کریں گے، اور موجودہ 60 فیصد ٹیرف کو کم کر کے 27 فیصد تک لانے پر اتفاق کیا گیا ہے۔

معاہدہ یکم اگست 2025 سے نافذ العمل ہوگا اور ابتدائی طور پر ایک سال کے لیے مؤثر رہے گا۔ معاہدے کے تحت افغانستان سے درآمد کیے جانے والے انگور، انار، سیب اور ٹماٹر پر ڈیوٹی میں کمی کرے گا، جبکہ افغانستان پاکستان سے آنے والے آم، کینو، کیلے اور آلو پر ٹیرف میں کمی کرے گا۔ اس اقدام کا مقصد دونوں ممالک کے درمیان دوطرفہ تجارت کو فروغ دینا اور خطے میں اقتصادی تعاون کو مضبوط بنانا ہے