دنیا کا پہلا حاملہ روبوٹ متعارف کرانے کی تیاری

حال ہی میں دنیا کے پہلے حاملہ روبوٹ کا تصور سامنے آیا ہے، جو دلچسپی کے ساتھ ساتھ اخلاقی بحث کا بھی مرکز بن گیا ہے۔

منصوبہ کہاں تیار ہو رہا ہے؟

چین کے شہر گوانگژو میں واقع کائیوا ٹیکنالوجی ایک ایسا انسان نما روبوٹ تیار کر رہی ہے جس کے پیٹ میں مصنوعی رحم نصب ہوگا۔

روبوٹ کا بنیادی مقصد

منصوبے کا مقصد یہ ہے کہ حمل سے لے کر بچے کی پیدائش تک کے تمام مراحل ایک روبوٹ کے ذریعے مکمل ہوں۔ اس دوران روبوٹ مصنوعی مادۂ سیال میں جنین کو پرورش دے گا۔ مزید یہ کہ ٹیوب کے ذریعے آکسیجن اور غذائیت فراہم کی جائے گی، بالکل ویسے ہی جیسے قدرتی رحم میں ہوتا ہے۔

کب تک دستیاب ہوگا؟

یہ حاملہ روبوٹ 2026 تک متعارف کرایا جائے گا۔ اس کی متوقع قیمت تقریباً 100,000 یوآن (یعنی 14,000 امریکی ڈالرز) رکھی گئی ہے۔

سماجی اور اخلاقی سوالات

اگرچہ یہ منصوبہ چین میں بانجھ پن کے بڑھتے مسئلے کو سامنے رکھتے ہوئے بنایا گیا ہے، تاہم اس نے کئی اخلاقی، قانونی اور سماجی سوالات کو بھی جنم دیا ہے۔ ناقدین کا کہنا ہے کہ یہ ایجاد انسانی زندگی کے قدرتی عمل پر گہرے اثرات ڈال سکتی ہے۔

وفاقی وزیر منصوبہ بندی احسن اقبال نے اعلان کیا ہے کہ پاکستان 2026 تک اپنا پہلا خلاباز خلا میں بھیجنے کا ارادہ رکھتا ہے۔ اس مقصد کے لیے پاکستان کی خلائی ایجنسی سپارکو اور چین کی مینڈ اسپیس ایجنسی کے درمیان انسانی خلائی پرواز کے پروگرام پر تعاون کا معاہدہ ہوا ہے۔ رپورٹ کے مطابق دو پاکستانی امیدواروں کو چین کے اسپیس ٹریننگ سینٹر میں خصوصی تربیت دی جا رہی ہے، جن میں سے ایک کو سائنٹیفک پے لوڈ اسپیشلسٹ کے طور پر منتخب کیا جائے گا۔ یہ انتخابی عمل 2026 تک مکمل ہوگا، جس کے بعد منتخب خلاباز چین کے خلائی اسٹیشن پر بھیجا جائے گا جہاں وہ حیاتیات، طبی سائنس، فلوئڈ میکینکس، مواد کے مطالعے، ماحولیات اور فلکیات جیسے مختلف شعبوں میں سائنسی تجربات انجام دے گا۔ احسن اقبال نے کہا کہ یہ پاکستان کے لیے ایک تاریخی سنگ میل ہوگا کیونکہ ملک پہلی مرتبہ اپنا خلاباز خلا میں بھیجے گا۔