نئی دہلی میں ایک اہم دفاعی تقریب سے خطاب کرتے ہوئے بھارتی ڈپٹی آرمی چیف لیفٹیننٹ جنرل راہول سنگھ نے معرکہ حق کے دوران پاکستان سے جنگ میں ناکامی کا اعتراف کرلیا۔ ان کا کہنا تھا کہ پاکستان نے الیکٹرانک وار فیئر کے شعبے میں بھارتی افواج کو حیران و پریشان کر دیا، خصوصاً پاک فضائیہ کی الیکٹرانک جنگی صلاحیتیں بے مثال رہیں۔ انہوں نے آپریشن سندور کے دوران پاک فوج کے الفتح راکٹ سسٹم کا ذکر کرتے ہوئے کہا کہ ان راکٹوں نے بھارتی فوجی اڈوں کو مؤثر انداز میں نشانہ بنایا۔ جنرل راہول سنگھ نے کہا کہ ہمیں اس جنگ میں صرف پاکستان سے نہیں بلکہ بیک وقت تین دشمنوں کا سامنا تھا، اگرچہ سرحد ایک تھی مگر مخالفین میں پاکستان، چین اور ترکی شامل تھے۔ ان کا کہنا تھا کہ چین نہ صرف پاکستان کو اسلحہ فراہم کر رہا تھا بلکہ جنگ کے دوران لائیو معلومات بھی فراہم کرتا رہا، جس سے اندازہ ہوتا ہے کہ گزشتہ پانچ برسوں میں پاکستان کو ملنے والا 81 فیصد اسلحہ چینی ساختہ تھا۔

انہوں نے مزید کہا کہ چین اپنی عسکری ٹیکنالوجی کو براہ راست میدان جنگ میں ٹیسٹ کر رہا تھا اور پاکستان اس کے لیے ایک تجربہ گاہ کی مانند تھا۔ اس کے ساتھ ساتھ انہوں نے ترکی پر بھی الزام عائد کیا کہ وہ پاکستان کو نہ صرف ڈرون فراہم کر رہا تھا بلکہ اب ترک ماہرین بھی پاکستانی فوج کے ساتھ موجود تھے۔

زمین پر دریافت ہونے والا مریخ کا سب سے بڑا شہابی پتھر رواں مہینے کے آخر میں نیلامی کے لیے پیش کیا جا رہا ہے، جس کی قیمت 20 لاکھ سے 40 لاکھ ڈالر کے درمیان لگائی گئی ہے۔ یہ نایاب سرخ رنگ کی خلائی چٹان، جو مریخ پر کسی سیارچے کے ٹکراؤ کے نتیجے میں خلا میں گئی اور 14 کروڑ میل کا فاصلہ طے کر کے زمین تک پہنچی، دنیا بھر میں پائے جانے والے مریخی شہابی پتھروں میں سے صرف 400 میں شامل ہے۔

NWA 16788 کے نام سے پہچانی جانے والی یہ چٹان 2023 میں ایک گمنام شہابی پتھر تلاش کرنے والے کو صحارا صحرا میں ملی تھی، تاہم یہ معلوم نہیں ہو سکا کہ یہ زمین پر کب گری تھی۔

یہ شہابی پتھر اگر متوقع قیمت پر فروخت ہو جاتا ہے تو یہ نیلامی کے شعبے میں ایک نیا ریکارڈ قائم کر سکتی ہے۔ اس سے قبل 2000 میں چین سے دریافت ہونے والے ایک شہابی پتھر کو سب سے مہنگا قرار دیا گیا تھا، تاہم 2008 میں جب اسے 30 لاکھ ڈالر میں فروخت کے لیے پیش کیا گیا تو کوئی خریدار سامنے نہیں آیا تھا۔

اب ماہرین کو توقع ہے کہ NWA 16788 اپنی غیر معمولی ساخت اور مریخی ماخذ کے باعث عالمی سطح پر توجہ حاصل کرے گا اور نیلامی کے میدان میں ایک نیا سنگ میل ثابت ہو گا۔