news
ایران کا اب تک کا سب سے بڑا میزائل حملہ، سٹاک ایکسچینج نشانہ
ایران نے اسرائیل پر اب تک کا سب سے بڑا میزائل حملہ کیا ہے، جس میں جدید “سیجل” میزائلوں کے ذریعے فوجی اور اقتصادی اہداف کو نشانہ بنایا گیا۔ اس حملے میں تل ابیب میں واقع اسرائیلی سٹاک ایکسچینج کی عمارت اور آرمی کمانڈ و انٹیلیجنس ہیڈکوارٹر شدت سے متاثر ہوئے۔ ایران سرکاری میڈیا ایجنسی ارنا نے اعتراف کیا کہ فوجی سہولیات، بالخصوص بئر سبع کے قریب واقع حساس تنصیب، ان کا حقیقی ہدف تھیں، جبکہ ہسپتال کو صرف دھماکے کی ارتعاشی لہر سے معمولی نقصان پہنچا۔ سینکڑوں عام شہری زخمی ہوئے، جن میں سے کچھ کی حالت تشویشناک بتائی جا رہی ہے ۔
دارالحکومت تہران میں اعلان کیا گیا ہے کہ یہ میزائل حملہ ایک دفاعی اقدام تھا جس کا مقصد اسرائیل کی انٹیلی جنس صلاحیتوں کو کمزور کرنا تھا۔ ایران کا کہنا ہے کہ اس نے اپنی فضائی حدود کی خلاف ورزیاں برداشت نہیں کیں اور اب وقت آگیا ہے کہ دشمن کو اس کی کارروائیوں کا موثر جواب دیا جائے۔ اسرائیلی ذرائع نے بڑے پیمانے پر تباہی کا اعتراف کیا ہے اور وزیراعظم نیتن یاہو سمیت ملک کی سیاسی قیادت سخت ردعمل کے ساتھ سامنے آئی ہے۔
اس حکومتی کارروائی نے دونوں ممالک کے درمیان جاری کشیدگی کو ایک نئے مرحلے میں پہنچا دیا ہے اور عالمی برادری میں اس کے اثرات تشویش کا باعث بنے ہوئے ہیں، خاص طور پر اس پیش رفت کے بعد خطے میں پھیلنے والی جنگ کے خدشات میں اضافہ ہوا ہے ۔
واشنگٹن:
وفاقی وزیر خزانہ و محصولات سینیٹر محمد اورنگزیب نے کہا ہے کہ پاکستان سعودی عرب تزویراتی شراکت داری کو مزید مضبوط بنانے کی ضرورت ہے۔ انہوں نے زور دیا کہ سعودی عرب کو ایم 6 موٹروے، ایم ایل ون، سکل ڈویلپمنٹ اور آئی ٹی انفراسٹرکچر کے منصوبوں میں شریک ہونا چاہیے۔
یہ بات انہوں نے عالمی بینک اور آئی ایم ایف کے سالانہ اجلاسوں کے موقع پر سعودی فنڈ برائے ترقی کے سی ای او سلطان عبدالرحمٰن المِرشَد سے ملاقات میں کہی۔ وزیر خزانہ نے تیل کی مؤخر ادائیگی کی سہولت پر سعودی عرب کا شکریہ ادا کیا اور پاکستان سعودی عرب تزویراتی شراکت داری کے دائرے کو مزید بڑھانے کی خواہش ظاہر کی۔
علاوہ ازیں، وزیر خزانہ نے امریکی اور عالمی مالیاتی عہدیداران سے بھی ملاقاتیں کیں جن میں تجارت، توانائی، زراعت اور ڈیجیٹل اثاثوں کے شعبوں میں تعاون کے امکانات پر بات ہوئی۔ انہوں نے پاکستان میں جاری معاشی اصلاحات اور استحکام کی پالیسیوں پر روشنی ڈالی۔
گروپ 24 کے اجلاس میں وزیر خزانہ نے کہا کہ پاکستان نے ٹیکس، توانائی اور پبلک سیکٹر میں اصلاحات کے ذریعے میکرو اکنامک استحکام حاصل کیا۔ ان کا کہنا تھا کہ موسمیاتی تبدیلی اور علاقائی تجارت کے چیلنجز سے نمٹنے کے لیے عالمی تعاون ناگزیر ہے۔
وزیر خزانہ نے عالمی بینک کے نائب صدر عثمان دیون سے ملاقات میں نئے کنٹری پارٹنرشپ فریم ورک پر بات کی اور موسمیاتی لچک کے لیے امداد کی درخواست کی۔
کینیڈا کے شہر مسّی ساگا میں 29 ستمبر سے یکم اکتوبر 2025ء تک جاری رہنے والے “اپیرل ٹیکسٹائل سورسنگ (ATS) شو” میں پاکستانی ٹیکسٹائل صنعت نے شاندار شرکت کی۔ اس بین الاقوامی تجارتی میلے میں پاکستان سمیت چین، بنگلا دیش، ویتنام اور کینیڈا کے نمائندوں نے حصہ لیا، جس نے اس نمائش کو عالمی سورسنگ اور صنعت سے جڑے ماہرین کے لیے ایک نمایاں پلیٹ فارم بنا دیا۔
پاکستانی نمائش کنندگان نے اعلیٰ معیار کی ویلیو ایڈڈ مصنوعات پیش کیں، جن میں اسپورٹس ویئر، ٹیکنیکل ٹیکسٹائلز اور حفاظتی ملبوسات شامل تھے۔ یہ نمائش پاکستان کی ٹیکسٹائل صنعت میں مہارت، پائیداری اور ہائی پرفارمنس مصنوعات کی ترقی کی بھرپور عکاسی کرتی ہے۔
شرکاء نے بتایا کہ اس سال کا رسپانس سابقہ برسوں کی نسبت خاصا بہتر رہا، اور متعدد خریداروں و صنعت کاروں سے مثبت تجارتی روابط قائم ہوئے۔ اس موقع پر شمالی امریکا میں ابھرتے ہوئے رجحانات، خاص طور پر ماحول دوست ٹیکسٹائل کی بڑھتی ہوئی مانگ سے متعلق قیمتی معلومات بھی حاصل کی گئیں، جو آئندہ تجارتی حکمتِ عملی کے لیے معاون ثابت ہوں گی۔
-
news1 month ago14 سالہ سدھارتھ ننڈیالا کی حیران کن کامیابی: دل کی بیماری کا پتہ چلانے والی AI ایپ تیار
-
کھیل5 months agoایشیا کپ 2025: بھارت کی دستبرداری کی خبروں پر بی سی سی آئی کا ردعمل
-
news6 months agoرانا ثناءاللہ کا بلاول کے بیان پر ردعمل: سندھ کے پانی کا ایک قطرہ بھی استعمال نہیں کریں گے
-
news6 months agoاداکارہ علیزہ شاہ نے سوشل میڈیا سے کنارہ کشی کا اعلان کر دیا