مسلم لیگ ن کے رہنما اور سپیکر پنجاب اسمبلی ملک محمد احمد خان نے اعلان کیا ہے کہ صوبائی اسمبلی میں اپوزیشن سے تعلق رکھنے والے 26 ارکان کے خلاف الیکشن کمیشن میں باقاعدہ طور پر نااہلی ریفرنس دائر کر دیا گیا ہے۔ ان کا کہنا تھا کہ جو لوگ آئین اور اپنے حلف کی پاسداری نہیں کرتے، انہیں رکن پنجاب اسمبلی رہنے کا کوئی حق حاصل نہیں۔ سپیکر نے یہ ریفرنس پاکستان تحریک انصاف کے پلیٹ فارم سے منتخب ہونے والے سنی اتحاد کونسل کے اراکین کے خلاف جمع کرایا، اور چیف الیکشن کمشنر سے ملاقات کر کے آئینی پہلوؤں پر مشاورت بھی کی۔ سپیکر نے واضح کیا کہ اگر آئندہ بھی ایسے عناصر سامنے آئے تو وہ کسی تعداد کی پرواہ کیے بغیر ان کے خلاف آئینی اقدامات اٹھائیں گے کیونکہ آئین ہی سب سے بالاتر ہے۔ یاد رہے کہ 16 جون 2025ء کے بجٹ اجلاس کے دوران اپوزیشن کی جانب سے کی گئی ہنگامہ آرائی، توڑ پھوڑ اور سرکاری املاک کو نقصان پہنچانے پر ان 26 اراکین کو معطل کر دیا گیا تھا، جس کے بعد اپوزیشن نہ صرف عددی اعتبار سے کمزور ہوئی بلکہ اسمبلی اجلاس بلانے کے اختیار سے بھی محروم ہو گئی۔ اسمبلی قواعد کے مطابق اجلاس بلانے کے لیے اپوزیشن کو 93 اراکین کی حمایت درکار تھی، تاہم معطلی کے بعد ان کی فعال تعداد صرف 79 رہ گئی ہے۔ اس کے علاوہ ہنگامہ آرائی میں ملوث 10 اراکین پر 20 لاکھ روپے سے زائد جرمانہ بھی عائد کیا گیا ہے۔

حال ہی میں ماہرینِ فلکیات نے ایک انتہائی قدیم کہکشاں دریافت کی ہے جو تقریباً 13 ارب سال سے غیر متغیر حالت میں موجود ہے۔ اس انقلابی دریافت کو جیمز ویب اسپیس ٹیلی اسکوپ کی مدد سے ممکن بنایا گیا، جو کائنات کے ابتدائی دور کی جھلک دکھانے کی صلاحیت رکھتی ہے۔ماہرینِ فلکیات دریافت شدہ کہکشاں کا نام JADES-GS-z7-LA رکھا گیا ہے اور اسے سائنسی اصطلاح میں “relaxed fossil galaxy” کہا جا رہا ہے، کیونکہ اس میں ستاروں کی پیدائش کی سرگرمی نہ ہونے کے برابر ہے۔ سائنسدانوں کے مطابق یہ کہکشاں اس وقت کی ہے جب کائنات کی عمر صرف 70 کروڑ سال تھی۔ حیرت انگیز طور پر، اس کہکشاں کا ساخت، شکل اور درجہ حرارت اربوں سالوں میں بہت کم بدلے ہیں، جس سے یوں محسوس ہوتا ہے جیسے یہ کائناتی وقت میں “منجمد” ہو چکی ہو۔ ماہرین کا خیال ہے کہ یہ کہکشاں اپنی ابتدائی عمر ہی میں ستارے بنانے کا عمل روک چکی تھی اور اس پر دیگر کہکشاؤں کے تصادم یا کسی بیرونی اثرات کا کوئی خاص اثر نہیں پڑا، جس کے باعث یہ اپنی ابتدائی حالت میں محفوظ رہی۔ یہ دریافت کائناتی ارتقا کو سمجھنے میں اہم پیش رفت قرار دی جا رہی ہے۔