news
پاک فوج نے ایل او سی پر بھارتی کواڈ کاپٹر مار گرایا، جاسوسی کی کوشش ناکام
سیکورٹی ذرائع کے مطابق پاک فوج نے لائن آف کنٹرول پر بھارتی جاسوسی کی کوشش ناکام بناتے ہوئے بھمبر کے مناور سیکٹر میں بھارتی کواڈ کاپٹر کو مار گرایا ہے۔ دشمن کی جانب سے فضائی حدود کی خلاف ورزی اور کواڈ کاپٹر کے ذریعے جاسوسی کی کوشش کی گئی تھی، جسے پاک فوج کی بروقت اور مؤثر کارروائی سے ناکام بنا دیا گیا۔
ذرائع کا کہنا ہے کہ یہ واقعہ پاک فوج کی پیشہ ورانہ مہارت، مستعدی اور دفاعی تیاری کا عملی ثبوت ہے۔ پاک فوج ہر قسم کی جارحیت کا فوری اور مؤثر جواب دینے کی صلاحیت رکھتی ہے اور کسی بھی ناپاک سازش کو خاک میں ملانے کے لیے مکمل طور پر تیار ہے۔
سیکورٹی حکام نے واضح کیا کہ پہلگام واقعے کے بعد بھارت کی جانب سے اشتعال انگیزی اور دھمکیوں کا سلسلہ جاری ہے، اور اب وہ فضائی حدود کی خلاف ورزی جیسے اقدامات پر بھی اتر آیا ہے۔ تاہم پاکستان کی مسلح افواج اپنی سرزمین کے تحفظ کے لیے ہمہ وقت چوکس اور پرعزم ہیں۔
پوری قوم اپنی بہادر افواج کے شانہ بشانہ کھڑی ہے اور دشمن کو ہر محاذ پر منہ توڑ جواب دینے کے لیے متحد ہے۔
یاد رہے کہ بھارت نے حالیہ دنوں میں پہلگام واقعے کے بعد پاکستان پر بلا ثبوت الزام تراشی کی تھی اور سندھ طاس معاہدے کو یکطرفہ طور پر معطل کرنے کا اعلان کیا تھا۔ پاکستان نے نہ صرف اس واقعے کی شدید مذمت کی بلکہ وزیراعظم شہباز شریف نے اس کی غیرجانبدارانہ تحقیقات کی پیشکش بھی کی، اس مؤقف کے ساتھ کہ پاکستان ہر ممکن تعاون کے لیے تیار ہے۔
news
احسن اقبال: سیکیورٹی صورتحال کے باعث دفاعی بجٹ میں اضافہ ہوگا | دیامیر بھاشا ڈیم کو ترجیح
وفاقی وزیر منصوبہ بندی احسن اقبال نے کہا ہے کہ ملک کی موجودہ سیکیورٹی صورتحال کو مدنظر رکھتے ہوئے دفاعی بجٹ میں اضافہ کیا جائے گا تاکہ قومی سلامتی کو مزید مضبوط بنایا جا سکے۔ یہ بات انہوں نے انسٹی ٹیوشن آف انجینئرز پاکستان کے سیکریٹری جنرل امیر ضمیر کی سربراہی میں آئے وفد سے ملاقات کے دوران کہی۔
احسن اقبال نے کہا کہ آئی ایم ایف موجودہ حکومت کے معاشی اقدامات سے مطمئن ہے اور بجٹ سے متعلق کوئی دباؤ نہیں ہے۔ ان کا کہنا تھا کہ بجٹ میں عوام کو ریلیف دیا جائے گا اور حکومت قومی اتحاد کو ہر صورت قائم رکھے گی۔ انہوں نے مزید کہا کہ دیامیر بھاشا ڈیم سمیت تمام آبی منصوبوں کی جلد تکمیل حکومت کی اولین ترجیح ہے تاکہ بھارت ان مواقع سے فائدہ نہ اٹھا سکے۔ ان منصوبوں کے لیے ترجیحی بنیادوں پر فنڈز مختص کیے جائیں گے۔
head lines
وزیرِ اعظم شہباز شریف کا ترکیہ، ایران، تاجکستان اور آذربائیجان کا دورہ | 29-30 مئی
وزیرِ اعظم پاکستان شہباز شریف 29 مئی سے 30 مئی 2025 تک ترکیہ، ایران، آذربائیجان اور تاجکستان کا اہم سفارتی دورہ کریں گے۔ ترجمان دفتر خارجہ کے مطابق یہ دورہ علاقائی تعلقات، عالمی امور اور موجودہ جغرافیائی سیاسی صورتحال پر تبادلہ خیال کے لیے نہایت اہمیت کا حامل ہے۔
اس دوران وزیرِ اعظم مختلف دوست ممالک کی قیادت سے دوطرفہ تعاون، تجارتی مواقع، علاقائی سلامتی اور حالیہ پاک-بھارت کشیدگی جیسے امور پر بات چیت کریں گے۔ وزیرِ اعظم ان ممالک کی جانب سے بھارت کے خلاف پاکستان کی حمایت پر شکریہ بھی ادا کریں گے۔
وزیرِ اعظم 29 اور 30 مئی کو دوشنبے (تاجکستان) میں ایک بین الاقوامی کانفرنس میں شرکت بھی کریں گے، جہاں خطے کی ترقی، تعاون اور امن کے لیے تبادلہ خیال کیا جائے گا۔
- سیاست8 years ago
نواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- انٹرٹینمنٹ8 years ago
پاکستانی فلم’نایاب‘سینماگھروں کی زینت بننےکوتیار،تاریخ سامنے آگئی
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں