news
ترک سوشل میڈیا اسٹار ترکاں آتائے کا ماریہ بی پر نامکمل ادائیگی کا الزام
ترکی کی مشہور ڈیجیٹل کریئیٹر اور سوشل میڈیا انفلوئنسر ترکاں آتائے نے پاکستانی فیشن ڈیزائنر ماریہ بی پر رقم کی نامکمل ادائیگی کا سنگین الزام عائد کیا ہے، جس کے بعد یہ معاملہ سوشل میڈیا اور شوبز حلقوں میں کافی موضوعِ بحث بنا ہوا ہے۔
ترکاں آتائے، جنہوں نے پاکستان سے تعلیم حاصل کی اور اردو زبان میں کانٹینٹ بنا کر بڑی شہرت حاصل کی، ایک ویڈیو پیغام میں کہا کہ 2025 کے آغاز میں ماریہ بی کی ٹیم نے ان سے ترکی میں ہونے والے ایک فیشن شوٹ کے لیے رابطہ کیا۔ ان کے بقول، دونوں کے درمیان فی لباس معاوضے پر معاہدہ طے پایا کیونکہ ترکی میں اس نوعیت کے شوٹس لباس کے حساب سے چارج کیے جاتے ہیں۔
ترکاں کا کہنا ہے کہ انہوں نے نہ صرف مکمل کوٹیشن ماریہ بی کو فراہم کی بلکہ فوٹوشوٹ مکمل کیا، مواد تیار کیا اور اسے سوشل میڈیا پر بھی پوسٹ کیا، تاہم اس تمام کام کے باوجود مکمل ادائیگی نہیں کی گئی۔
مزید یہ کہ ترکاں کے مطابق، ماریہ بی کی ٹیم نے بعد میں مؤقف اختیار کیا کہ وہ ریلس (Reels) کے حساب سے ادائیگی کرتی ہے، جو کہ اصل معاہدے سے بالکل مختلف بات تھی۔ ترکاں نے شکوہ کیا کہ تین ماہ گزرنے کے باوجود انہیں اب تک مکمل ادائیگی موصول نہیں ہوئی، جس کی وجہ سے انہوں نے اعلان کیا کہ وہ آئندہ کبھی بھی ماریہ بی کے ساتھ کام نہیں کریں گی۔
اس معاملے پر ماریہ بی کی جانب سے تاحال کوئی باضابطہ ردعمل سامنے نہیں آیا، تاہم سوشل میڈیا صارفین اس تنازعے پر مختلف آراء کا اظہار کر رہے ہیں، کچھ ترکاں کی حمایت کر رہے ہیں تو کچھ معاملے کی مزید وضاحت کا انتظار کر رہے ہیں۔
چین نے دنیا کا پہلا کمرشل 10-گِیگا بِٹ (10 جی) براڈ بینڈ نیٹورک متعارف کروا کر جدید انٹرنیٹ ٹیکنالوجی میں ایک اہم سنگِ میل عبور کر لیا ہے۔
چین کی سرکاری کمپنی یونی کوم اور ٹیکنالوجی کے بڑے نام ہواوے نے اس مشترکہ نیٹورک کا آغاز صوبے ہیبائی کی سونن کاؤنٹی میں کیا۔
یہ نیا سسٹم، جو 50 جی پیسیو آپٹیکل نیٹورک (پی او این) ٹیکنالوجی کا استعمال کرتا ہے، موجودہ فائبر-آپٹک ڈیٹا منتقلی کی رفتار اور کارکردگی کو بہتر بناتا ہے، جو کہ ماضی میں کبھی نہیں دیکھا گیا۔
آزمائش کے نتائج سے یہ بات سامنے آئی ہے کہ اس سسٹم کی ڈاؤن لوڈ اسپیڈ 9834 میگا بِٹس فی سیکنڈ، اپ لوڈ اسپیڈ 1008 میگا بِٹ فی سیکنڈ، اور تاخیر صرف 3 ملی سیکنڈ ہے، جو روایتی 1 جی براڈ بینڈ سے 10 گُنا بہتر ہے۔
10 جی براڈ بینڈ سروس الٹرا-ایچ ڈی 8 کے ویڈیو اسٹریمنگ، ورچوئل اور آگمینٹڈ ریئلٹی تجربات، اور اسمارٹ گھروں کے ہموار آپریشن جیسی ہائی بینڈ وِتھ سرگرمیوں کے لیے نئے دروازے کھولے گی۔
یہ کامیابی چین کو انٹرنیٹ ٹیکنالوجی کی دوڑ میں دیگر ممالک پر سبقت دلانے میں مددگار ثابت ہوئی ہے۔ جہاں جنوبی کوریا اور متحدہ عرب امارات جیسے ممالک نے جدید براڈ بینڈ سروسز متعارف کرائی ہیں، وہیں چین کی 10 جی سروس عوام کے لیے دستیاب اپنی نوعیت کی پہلی سروس ہے۔
news
راوی اربن ڈویلپمنٹ اتھارٹی اور پی وی ٹی سی میں مفاہمت نامہ ، نوجوانوں کو بااختیار بنانے کی جانب اہم قدم
لاہور؛
نوجوانوں کو بااختیار بنانے اور پیشہ ورانہ تربیت کو فروغ دینے کےلئے راوی اربن ڈویلپمنٹ اتھارٹی نے روڈا ہیڈ کوارٹرز میں پنجاب ووکیشنل ٹریننگ کونسل کے ساتھ ایک مفاہمت کی یادداشت پر دستخط کیے۔
اس موقع پر چیئرمین روڈا شاہد اشرف تارڑ نے باہمی شراکت کی اسٹریٹجک اہمیت پر زور دیا ، اور اسے نوجوانوں کو ضروری مہارتوں سے آراستہ کرنے کے لئے روڈا کی جاری کوششوں میں سنگ میل کے طور پر اجاگر کیا۔ انہوں نے کہا ، “یہ مفاہمت نامہ صرف ایک تعاون نہیں ہے۔ یہ ایک معنی خیز اثر پیدا کرنے اور ایسی میراث چھوڑنے کا موقع ہے جس سے آئندہ نسلوں کو فائدہ ہوگا۔”
ایم او یو کی اس تقریب میں عمران امین سی ای او روڈا نے کہاکہ روڈا کے دائرہ اختیار میں جاری منصوبوں سمیت مختلف شعبوں میں مہارت کی ترقی بنیادی جزو ہے ہمیں ایک فلاحی ریاست کے قیام کئےلئے تکنیکی اداروں کی مہارت سے پورا فائدہ اٹھانا ہوگا
چیئرمین خالد محمود سی ایچ نے تکنیکی مہارت کو اختیار کرنے اورآسان بنانے پر روڈا ٹیم کا شکریہ ادا کیا۔ انہوں نے مزید کہا کہ دونوں تنظیمیں وژن میں جکڑی ہوئی ہیں اور باہمی اہداف کے حصول کے لئے اجتماعی طور پر کام کرنا ہوگا فاطمہ علی خان ڈائریکٹر اس شراکت کی اسٹریٹجک اہمیت پر زور دیا
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
