واٹس ایپ نے اپنے صارفین کے لیے گروپ چیٹس کو مزید منظم بنانے کی غرض سے ایک نیا واٹس ایپ فیچر متعارف کروایا ہے، جس کے تحت میسجز کے جوابات اب “تھریڈز” کی صورت میں ظاہر ہوں گے۔

اس وقت جب کوئی صارف کسی پیغام کا جواب دیتا ہے، تو وہ ایک الگ میسج کے طور پر ظاہر ہوتا ہے، جس کی وجہ سے گروپ چیٹس میں گفتگو کا تسلسل بکھر جاتا ہے، خاص طور پر جب ایک ہی میسج پر متعدد افراد جواب دیں۔

تاہم نئے فیچر میں اگر ایک مخصوص میسج پر دس افراد ریپلائی کریں، تو تمام جوابات اسی میسج کے نیچے ایک تھریڈ کی صورت میں نظر آئیں گے۔ اس سے گروپ میں گفتگو کو سمجھنا، فالو کرنا اور کسی خاص موضوع پر بات کو جوڑ کر دیکھنا آسان ہو جائے گا۔

یہ فیچر خصوصاً ان گروپ چیٹس کے لیے مفید ہوگا جہاں بیک وقت کئی افراد بات کر رہے ہوتے ہیں۔ ساتھ ہی، نئے شامل ہونے والے افراد بھی کسی بھی جاری بحث کو تھریڈ کھول کر باآسانی سمجھ سکیں گے۔

واٹس ایپ نے فی الحال اس فیچر کو محدود صارفین کے لیے ٹیسٹ ورژن میں پیش کیا ہے۔ اگر تجربہ کامیاب رہا، تو جلد ہی یہ فیچر تمام صارفین کے لیے دستیاب ہو جائے گا۔

ٹیکنالوجی کی دنیا کی معروف کمپنی ایپل نے اپنی مصنوعات کے لیے نیا آپریٹنگ سسٹم متعارف کرا دیا ہے، جس میں آئی فون کے لیے iOS 26، میک کمپیوٹرز، آئی پیڈز، ایپل واچز اور ایپل ٹی وی کے لیے بھی جدید ورژن شامل ہیں۔

یہ پہلا موقع ہے کہ ایپل نے تمام ڈیوائسز کے سافٹ ویئرز کو ایک ہی ورژن نمبر (26) کے ساتھ لانچ کیا ہے۔ کمپنی نے کچھ عرصہ قبل اعلان کیا تھا کہ اب سے سافٹ ویئرز کے نام ریلیز کے بعد آنے والے سال کے مطابق رکھے جائیں گے۔

نئے سسٹمز میں کئی اہم فیچرز شامل کیے گئے ہیں، تاہم سب سے نمایاں “لیکوئڈ گلاس” نامی نیا ڈیزائن ہے، جس نے یوزر انٹرفیس کا انداز ہی بدل دیا ہے۔ یہ فیچر ہوم اسکرین کے آئکونز سے لے کر نوٹیفکیشنز کی نمائش تک پورے سسٹم پر اثر انداز ہو رہا ہے۔

مزید برآں، کچھ ایپس کو بھی مکمل طور پر ری ڈیزائن کیا گیا ہے تاکہ صارفین کو زیادہ جدید، دیدہ زیب اور مؤثر تجربہ فراہم کیا جا سکے۔