news
انسٹاگرام کا پرانا فیچر دوبارہ فعال کرنے کا اعلان
دنیا بھر میں مقبول ویڈیو شیئرنگ کے معروف پلیٹ فارم انسٹاگرام نے اپنے صارفین کی سہولت کے لیے ایک پرانا فیچر دوبارہ فعال کرنے کا فیصلہ کیا ہے۔
اس حوالے سے انسٹاگرام کے سربراہ نے چند روز قبل ایک ویڈیو پیغام میں کہا کہ ایپلیکیشن پر 2019 میں ختم کیے گئے فیچر کو دوبارہ پیش کیا جائے گا۔
اپنے پیغام میں انہوں نے کہا کہ ہم چاہتے ہیں کہ انسٹاگرام ایپ صرف تفریحی مواد دیکھنے کی جگہ نہ ہو بلکہ یہ ایک ایسا پلیٹ فارم بنے جہاں آپ اپنے دوستوں کے ساتھ جڑ سکیں۔
انہوں نے بتایا کہ اب جب آپ ریلز ٹیب پر جائیں گے تو آپ کو ایک خصوصی فیڈ نظر آئے گی جس میں وہ ریلز شامل ہوں گی جو آپ کے دوستوں نے پسند کی ہیں یا ان پر کوئی کمنٹ کیا ہے۔ آپ اوپر دائیں کونے میں جا کر براہ راست ان سے بات چیت بھی شروع کر سکتے ہیں۔
انسٹاگرام پر تقریباً پانچ سال قبل ختم کیے گئے اس فیچر کو واپس لانے کا مقصد ایپ صارفین کو اپنے دوستوں کی پسند کے بارے میں آگاہی فراہم کرنا بھی ہے۔
اپنے پیغام میں انہوں نے مزید کہا کہ ہم اسے ابتدائی طور پر صرف چند ممالک میں متعارف کروا رہے ہیں، تاہم اسے جلد ہی مزید ممالک میں بھی متعارف کرایا جائے گا۔
news
ماہرین فلکیات نے زحل کے 128 نئے چاند دریافت کرلیے
ماہرین فلکیات نے سیارہ زحل کے گرد چکر لگانے والے 128 نئے چاندوں کی دریافت کی ہے، جس کے بعد ان کی کل تعداد 274 ہوگئی ہے۔
اس نئی تعداد نے یہ سوال بھی اٹھایا ہے کہ آخر زحل کے پاس اتنے زیادہ چاند کیوں ہیں؟
سائنسدانوں کا کہنا ہے کہ اس معاملے کی مزید تحقیقات سے ہمیں نظام شمسی کے ارتقاء کے بارے میں قیمتی معلومات حاصل ہو سکتی ہیں۔
اب زحل کے چاندوں کی تعداد 274 ہے، جو کہ مشتری کے چاندوں سے تقریباً تین گنا زیادہ ہے اور دوسرے سیاروں کے گرد موجود چاندوں کی مجموعی تعداد سے بھی زیادہ ہے۔
واشنگٹن میں کارنیگی انسٹی ٹیوٹ فار سائنس کے ماہر فلکیات اسکاٹ شیپارڈ نے کہا کہ زحل واقعی چاندوں کا بادشاہ ہے۔
کینیڈا کی یونیورسٹی آف ریجینا کی ماہر فلکیات سمانتھا لالر، جنہوں نے ان مشاہدات میں حصہ لیا، نے بھی اس دریافت کو دلکش قرار دیا۔ ان کا کہنا تھا کہ یہ واضح طور پر ظاہر کرتا ہے کہ وہاں کتنا کچھ موجود ہے۔
news
دانش یونیورسٹی کا قیام | جدید تعلیم اور تحقیق کا نیا مرکز
وزیراعظم شہباز شریف نے کہا ہے کہ دانش یونیورسٹی کے لیے 100 ایکڑ زمین مختص کی گئی ہے، اور یہ یونیورسٹی عالمی سطح پر ملک کا نام روشن کرنے میں اہم کردار ادا کرے گی۔ دانش یونیورسٹی کا پہلا سیشن 14 اگست 2026ء کو شروع ہوگا، اور یہاں سے تمام صوبوں کے بچے اعلیٰ تعلیم حاصل کر سکیں گے۔ اسلام آباد میں دانش یونیورسٹی کے سنگ بنیاد رکھنے کی تقریب میں خطاب کرتے ہوئے انہوں نے بتایا کہ 190 ملین پاؤنڈ کی سرمایہ کاری سے ملک میں عالمی معیار کی ایک دانش یونیورسٹی قائم کی جا رہی ہے۔ سابق چیف جسٹس نے کہا کہ 190 ملین پاؤنڈ کا ہمارے ساتھ کوئی تعلق نہیں، یہ رقم قومی خزانے میں منتقل ہو چکی ہے، جس کے لیے موجودہ چیف جسٹس کا شکر گزار ہوں۔
وزیراعظم شہباز شریف نے مزید کہا کہ پاکستان میں بہت سی شاندار درسگاہیں موجود ہیں، لیکن تحقیق اور جدید سائنسز کے حوالے سے ایسی کوئی درسگاہ نہیں ہے۔ نوجوانوں کو تعلیم کے مواقع فراہم کرنا ہماری اولین ترجیح ہے، اور دانش یونیورسٹی میں داخلے میرٹ کی بنیاد پر ہوں گے۔ یہاں غریب بچوں اور بچیوں کو مفت تعلیم دی جائے گی، اور یہ منصوبہ پاکستان کی تقدیر بدلنے کی صلاحیت رکھتا ہے۔ ہم پاکستان کو ایک عظیم ملک بنانے کے لیے محنت اور جدوجہد کریں گے، کیونکہ ہر خواب کو حقیقت میں بدلنے کے لیے کوشش ضروری ہے۔ یتیم بچے دانش سکول سے فائدہ اٹھا رہے ہیں، اور یہ سکول ان بچوں کے لیے ایک سایہ فراہم کر رہا ہے۔ اگر ہم دیہات کے بچوں کو تعلیم نہیں دیں گے تو یہ دھول مٹی میں ہی رہ جائیں گے۔
- سیاست8 years ago
نواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں