سوشل میڈیا پر یہ خبریں گردش کر رہی ہیں کہ پاکستان کی ابھرتی ہوئی اداکارہ انمول بلوچ جلد ہی شادی کرنے والی ہیں۔

جہاں اس وقت کبریٰ خان، نیلم منیر اور ماورا حسین کی شادیوں کی خوب باتیں ہو رہی ہیں، وہیں اب انمول بلوچ کی شادی کی خبریں بھی سامنے آ رہی ہیں۔

سوشل میڈیا پیجز پر دعویٰ کیا جا رہا ہے کہ انمول بلوچ رواں سال کے وسط میں شادی کے بندھن میں بندھ جائیں گی، اور یہ بھی کہا جا رہا ہے کہ وہ ایک سیاستدان کے بیٹے کے ساتھ نئی زندگی کا آغاز کرنے والی ہیں۔

ایک رپورٹ کے مطابق، انمول بلوچ ایک معروف صنعتکار کے بیٹے سے شادی کرنے جا رہی ہیں جو اعلیٰ حکومتی عہدوں پر تعینات رہے ہیں۔ ان کے دولہا کا نام عمیر بیگ ہے، جو ایک سابق وزیر اور بزنس مین کے بیٹے ہیں اور معروف بزنس گروپ “بیگ گروپ” کے ڈائریکٹر ہیں۔

یہ بات قابل ذکر ہے کہ ابھی تک انمول بلوچ نے ان خبروں کی تصدیق یا تردید نہیں کی ہے۔

اداکار فیروز خان اور ایک خاتون صحافی کے درمیان تلخ کلامی کی ویڈیو سوشل میڈیا پر وائرل ہو رہی ہے، یہ واقعہ ایک پریس کانفرنس کے دوران پیش آیا۔

فیروز خان یوٹیوبر راحم پردیسی کے ساتھ ہونے والے باکسنگ میچ کے حوالے سے منعقدہ پریس کانفرنس میں ڈھائی گھنٹے کی تاخیر سے پہنچے۔ اس پر خاتون صحافی نے انہیں تنقید کا نشانہ بنایا۔

خاتون نے کہا کہ میڈیا کو سختی سے تین بجے پہنچنے کی ہدایت کی گئی تھی، اور سب وقت پر موجود تھے، مگر فیروز خان کی دیر سے آمد کی وجہ سے مین اسٹریم میڈیا کے بیشتر نمائندے جا چکے ہیں۔

خاتون صحافی نے یہ بھی کہا کہ فنکاروں کو شہرت اللّٰہ کے کرم کے ساتھ ساتھ مداحوں اور میڈیا کی حمایت سے ملتی ہے۔ اس پر فیروز خان نے مداخلت کرتے ہوئے کہا کہ کیا میڈیا ہی ستارے بناتا ہے؟ جبکہ میڈیا تو پچھلے تین سال سے ان کے خلاف ہے۔ صحافی نے اپنا مؤقف دہراتے ہوئے کہا کہ میڈیا ہی فنکاروں کی حمایت اور پروموشن کرتا ہے، مگر یہاں موجود افراد پچھلے ڈھائی گھنٹے سے انتظار کر رہے ہیں۔

جواب میں فیروز خان نے تاخیر کی وضاحت کرتے ہوئے کہا کہ ان کے گھر میں گرم پانی نہیں آ رہا تھا، جس پر خاتون صحافی نے اس جواز کو ناقابل قبول قرار دیتے ہوئے کہا کہ یہ کوئی مذاق نہیں، اور کسی کو اتنی دیر انتظار کروانا غیر مناسب ہے۔

سوشل میڈیا صارفین کی جانب سے فیروز خان پر مختلف ردعمل سامنے آ رہے ہیں۔