مرکزی رہنماء پی ٹی آئی اسد قیصر نے کہا ہے کہ عمران خان نے واضح کیا کہ اگر وہ حکومت میں آئے تو کسی سے بدلہ یا انتقام نہیں لیں گے، بلکہ ایسا نظام قائم کریں گے کہ کرپٹ خود بخود پکڑے جائیں گے۔ انہوں نے اے آروائی نیوز کے پروگرام میں گفتگو کرتے ہوئے کہا کہ عمران خان سے ملاقات کرنا جیل مینول کے مطابق ہے، اور میں بہت محتاط رہوں گا کہ حکومت نے ابھی تک عمران خان سے ملاقات نہیں کرائی، جو بھی ہوگا وہ عمران خان کی منظوری اور مشاورت سے ہوگا۔
اگر کسی کا خیال ہے کہ عمران خان حکومت میں آ کر انتقام لیں گے تو انہوں نے وضاحت کی اور زور دیا کہ بیان جاری کروائیں کہ وہ پاکستان کی خاطر کسی سے انتقام نہیں لیں گے۔
جو لوگ کرپشن کریں گے، انہیں نظام خود پکڑے گا، اور جو بھی ذمہ دار ہوگا، اس کا فیصلہ عدالت کرے گی۔ ہم ملک کو انصاف کے نظام کے تحت چلائیں گے۔ اب ملک جس طرح چل رہا ہے، لوگ کہاں جائیں گے؟
8 فروری کو عوام نے پی ٹی آئی کو ووٹ دیا۔ مزید برآں، ترجمان پی ٹی آئی مذاکراتی کمیٹی صاحبزادہ حامد رضا نے کہا کہ میں ذمہ داری سے کہتا ہوں کہ حکومت کو عمران خان کو 20 جنوری سے پہلے جیل سے نکالنے کی جلدی ہے، بانی کو سیاسی اور غیر سیاسی افراد کے ذریعے پیغام بھیجا گیا ہے کہ وہ ہاؤس اریسٹ ہو جائیں تاکہ عدالتوں میں کیسز میں ریلیف مل سکے۔ انہوں نے ہم نیوز کے پروگرام میں یہ بات کہی۔