news
تین ماہ کے ونٹر پیکج کیلیے 26.07 روپے فی یونٹ ریلیف منظور، نیپرا
نیشنل الیکٹرک پاور ریگولیٹری اتھارٹی (نیپرا) نے تین ماہ (دسمبر 2024 سے فروری 2025) کے لیے 26.07 روپے فی یونٹ کے موسم سرما کے ونٹر پیکج کی منظوری دے دی ہے جس کا اطلاق تمام اہل صنعتی، کمرشل، جنرل سروس صارفین اور گھریلو (200 یونٹ سے زائد ٹی او یو اور نان ٹی او یو صارفین) اور نیٹ میٹرنگ صارفین اور ڈسکوز اور کے الیکٹرک کے وہیلنگ صنعتی صارفین پر لازمی ہوگا۔
اتھارٹی نے اکتوبر 2024 کے لیے ڈسکوز صارفین کو 11.379 ارب روپے واپس کرنے کے لیے ایف سی اے میں 1.14 روپے فی یونٹ کی منفی ایڈجسٹمنٹ کی بھی منظوری دے دی ہے جو دسمبر 2024 کے بلنگ مہینے میں فیول چارجز ایڈجسٹمنٹ کو شو کرے گی۔
نیپرا کے فیصلے کے مطابق تمام اہل صارفین سے متعلقہ اضافی کھپت پر 26.07 روپے فی کلو واٹ کا ٹیرف بھی وصول کیا جائے گا جو متعلقہ مہینوں میں بینچ مارک کھپت سے کافی زیادہ ہے۔
منظور شدہ فارمولے کی بنا پر بینچ مارک کھپت مالی سال 2024 میں متعلقہ مہینے کی کھپت یا متعلقہ مہینوں کے لئے پچھلے 3 سالوں میں تاریخی کھپت سے کافی زیادہ ہوگی۔
سرمائی اقدامات کی طلب کی دیگر شرائط و ضوابط ذیل میں کچھ اس طرح ہوں گی۔
(1) اگر کسی مخصوص صارف کا کھپت ریکارڈ دستیاب نہ ہوا، تو اس صورت میں متعلقہ مدت کے لیے نئے صارفین کے لیے بینچ مارک کھپت کے معیار کا اطلاق ہی کیا جائے گا۔
(2) اگر صارف کا اسٹیٹس منقطع ہو یا صارف کے میٹر کی حالت معیوب ہو بینچ مارک کھپت کے حسابی دورانیے کے دوران، تو اس صورت میں متعلقہ مدت کے لیے نئے صارفین کے لیے بینچ مارک کھپت کے معیار کا اطلاق
ہو گا۔
(3) ڈیٹیکشن یونٹس کو نہ تو بینچ مارک کھپت کے حساب کے لئے استعمال کیا جائے گا اور نہ ہی اضافی یونٹ کی گنتی کے لئے۔
(4) بینچ مارک کھپت کی گنتی کی مدت کے دوران ایک مختلف ٹیرف کیٹیگری میں منتقل ہونے والے صارفین (نان ٹی او یو رہائشی کے علاوہ) کے لئے بینچ مارک کھپت، کھپت کی مدت جس میں صارف ایک ہی ٹیرف کیٹیگری میں تھا، بینچ مارک حساب کے لئے استعمال کیا جاسکے گا، جبکہ نئے صارفین کے لئے فارمولا اس وقت استعمال کیا جائے گا جب صارف مختلف ٹیرف کیٹیگری میں تھا۔
(5) اگر کسی مخصوص صارف کا میٹر ایم ڈی آئی ریکارڈ نہیں کر سکتا ، تو صرف منظور شدہ لوڈ کو بینچ مارک کھپت کے حساب کے لئے استعمال کیا جائے گا، جہاں کہ وہ قابل اطلاق ہو؛
(6) ایم ڈی آئی یا منظور شدہ لوڈ سے متعلق معاملات میں ٹی او یو صارفین کے لئے بینچ مارک کھپت کو متعلقہ مہینے میں کھپت کی بنیاد پر پیک اور آف پیک اوقات کے لئے بڑھا دیا جائے گا۔
(7) ٹی او یو صارفین اس پیکیج سے صرف اسی حالت میں فائدہ اٹھانے کے اہل ہوں گے جب متعلقہ مہینے کے لئے پیک اور آف پیک کھپت کا مجموعہ مجموعی بینچ مارک کھپت (پیک + آف پیک) سے اضافی ہو مزید برآں، جہاں قابل اطلاق ہو، اضافی کھپت کا حساب ہر مہینے کے لئے پیک اور آف پیک دونوں اوقات میں ہی مجموعی کھپت کی بنیاد پر کیا جائے گا.
مزید، بڑھتی ہوئی کھپت کو بڑھتی ہوئی اکائیوں کی بنیاد پر پیک اور آف پیک مدتوں میں تقسیم کر دیا جائے گا۔
(8) ایسے صارفین کے لئے جن کی بینچ مارک کھپت کی گنتی کی مدت میں صفر کھپت ہے ، یا جنہوں نے بینچ مارک مدت کے دوران لوڈ میں توسیع کا انتخاب کر رکھا ہے ، ایسے مہینوں کے لئے ان کے بینچ مارک کھپت کا حساب نئے صارفین کے فارمولے کی بنا پر ہی کیا جائے گا۔
(9) پیکیج کا اطلاق ان صارفین پر نہیں ہوگا جن کے پاس قابل اطلاق مہینے کے لئے ناقص یا لاک میٹر ہوں گے۔
(10) پیکیج کا اطلاق صرف نیٹ میٹرنگ اور وہیلنگ صنعتی صارفین پر ہوگا۔
(11) اضافی پیکج کا اطلاق متعلقہ مہینوں کے لئے ریفرنس بینچ مارک کھپت پر صرف 25 فیصد یونٹ تک ہی ہوگا۔ مزید برآں، بینچ مارک کھپت کے 25 فیصد سے زیادہ کی تمام اضافی فروخت کو اتھارٹی کی طرف سے مقرر کردہ اور وفاقی حکومت کی طرف سے مطلع کردہ معمول کے ٹیرف ہی وصول کیے جائیں گے۔
محققین نے طویل عرصے سے گمشدہ کمپیوٹر کوڈ کو دریافت کیا اور اسے دنیا کے پہلے اور 60 سال پرانے ابتدائی چیٹ بوٹ ELIZA کو دوبارہ زندہ کرنے کے لیے استعمال کیا ہے۔
سائنسدانوں نے حال ہی میں پرانے گمشدہ کمپیوٹر کوڈ کا استعمال کرتے ہوئے الیزا نامی دنیا کے پہلے چیٹ بوٹ کو دوبارہ زندہ کیا ہے، جو کہ ایک تاریخی سنگ میل ہے۔
MIT آرکائیوز سے دھول میں اٹے پرنٹ آؤٹس کا جائزہ لیا گیا جس میں سائنسدانوں نے ایک کوڈ دریافت کیا جو 60 سال سے گُمشدہ تھا۔
ایلیزا کو 1960 کی دہائی میں ایم آئی ٹی کے پروفیسر جوزف ویزنبام نے تیار کیا تھا اور اس کا نام ایلیزا رکھا گیا تھا۔
محققین کا کہنا ہے کہ الیزا ایک ایسا لینگویج ماڈل ہے جس کے ساتھ صارفین بات چیت کر سکتے ہیں، اور یہ آج کی AI ٹیکنالوجی میں بھی ایک نمایاں مقام رکھتا ہے۔
الیزا کو سائیکو تھراپسٹ کی طرح سوالات کا جواب دینے کے لیے ڈیزائن کیا گیا تھا۔ مثال کے طور پر، اگر کوئی صارف کہے “سارے مرد ایک جیسے ہوتے ہیں”، تو ایلیزا جواب میں پوچھے گا، “کس بنیاد پر؟”
چین نے دنیا کی پہلی فضائی موٹر بائیک متعارف کرائی ہے، جو 60 میل فی گھنٹہ کی رفتار سے پرواز کر سکتی ہے۔
چینی کمپنی رکٹر کی جانب سے پیش کردہ اس بائیک کے منفرد ڈیزائن سے یہ ظاہر ہوتا ہے کہ یہ ٹرانسپورٹ کے شعبے میں انقلاب لا سکتی ہے۔
اسکائی رائیڈر ایکس 1 نامی یہ بائیک صرف ایک بٹن کے دبانے سے سڑک سے آسمان میں اور آسمان سے سڑک پر واپس آ سکتی ہے۔
جب اسکائی رائیڈر ایکس 1 سڑک پر ہو گی تو یہ ایک برقی بائیک کی طرح چلائی جا سکے گی، لیکن جب اس کے چاروں بازو کھلیں گے تو یہ ایک فضائی بائیک میں تبدیل ہو جائے گی۔ اس کے پنکھے چلنے کے بعد سوار کو اپنی منزل کا تعین کرنا ہوگا، اور پھر بائیک انہیں وہاں تک لے جائے گی۔
یہ سواری دو مختلف ورژن میں دستیاب ہو گی۔
کم قیمت والی بائیک ایکس 1 ایس ایل فضاء میں 25 منٹ تک پرواز کر سکے گی، جبکہ زیادہ قیمت والی ایکس 1 ایس ایکس میں بڑی بیٹری نصب ہوگی، جو 40 منٹ تک پرواز کر سکے گی۔
اس بائیک میں ایمرجنسی پیراشوٹ بھی شامل ہوگا۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ7 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
