سوشل میڈیا منفی پروپگینڈا کے خاتمہ کے لیے پیکا ایکٹ میں مزید ترامیم

حکومت پاکستان نے سوشل میڈیا صارفین پر سختی کے لیے پیکا ایکٹ میں مزید ترامیم کرنے کا فیصلہ کر لیا ہے
پیکا ایکٹ میں ترمیم کا مقصد سوشل میڈیا پر منفی خبروں کے پروپیگنڈا کا خاتمہ کرنا ہے حکومت کے اس اقدام کی بدولت ریاستی داروں کے خلاف گمراہ کن معلومات پھیلانے والے عناصر کی حوصلہ شکنی ہوگی
حکومتی ترجمان برائے قانونی امور بیرسٹر عقیل ملک کا کہنا ہے کہ حکومت پاکستان نے ایکٹ میں ترامیم کا فیصلہ کیا ہے حکومت کا یہ فیصلہ سوشل میڈیا پر پھیلائی جانے والی غلط خبروں اور منفی پروپگینڈا کے خلاف ایک اہم قدم ہے
انہوں نے کہا کہ حکومت کے اس اقدام سے ریاستی اداروں کے خلاف گمراہ کن خبریں پھیلانے والے عناصر کی حوصلہ شکنی ہوگی البتہ اس قانون میں شفافیت عوامی مشاورت اور آزادی رائے کے تحفظ کا خصوصی خیال رکھا جائے گا نے سوشل میڈیا کے استعمال پر اس ایکٹ میں ترمیم کا مقصد سماجی ہم آہنگی کو فروغ دینا بھی ہوگا
میڈیا رپورٹ کے ذریعے یہ دعوی بھی کیا گیا کہ اس نئی ترمیم کے تحت ملک اداروں اور کسی بھی فرد کے خلاف غلط خبر پھیلانے والے کو تین سال قید اور 10 لاکھ روپے جرمانہ کیا جائے گا فیک نیوز اور اس پر سزا کا تعین ٹربیونل کی طرف سے کیا جائے گا حکومت کو سوشل میڈیا اکاؤنٹس ختم کر دینے یا بلاک کر دینے کا اختیار بھی ہوگا ابتدائی طور پر یہ قانون صرف سوشل میڈیا پر ہی اپلائی ہوگا تا ہم بعد میں مین سٹریم ٹی وی چینلز پر بھی اس قانون کو لاگو کیا جا سکتا ہے
اس سال مئی میں سوشل میڈیا کو ریگیولیٹ کرنے کے لیے وزیراعظم نے پیکا ایکٹ 2016 میں ترمیم کی منظوری دی تھی جس کے مطابق ڈیجیٹل رائٹس پروڈکٹ پروٹیکشن ایجنسی کے قیام کی منظوری بھی دی گئی البتہ بعد میں وفاقی کابینہ کو دیے گئے ابتدائی مسودے پر سیاسی جماعت اور ڈیجیٹل حقوق کے رہنماؤں کی طرف سے شدید تنقید کے بعد شکایت کے اندراج کے عمل کو ریگیولیٹ کرنے کے لیے باقاعدہ طور پر ڈیجیٹل رائٹس پروٹیکشن اتھارٹی میں کچھ تبدیلیاں تجویز کی گئی تھیں