وزیراعظم شہباز شریف کی زیر صدارت نیشنل ایکشن پلان کی اپیکس کمیٹی کا اجلاس ہوا جس میں صوبائی وزراء اعلی آرمی چیف اور کابینہ کے دیگر ارکان نے شرکت کی
وزیراعظم شہباز شریف نے اس موقع پر خطاب کرتے ہوئے کہا کہ ہم سب کی اجتماعی کوششوں، اخلاص اور نیک نیتی سے ملک آہستہ آہستہ معاشی استحکام کی طرف بڑھ رہا ہے وفاق، صوبوں، اداروں اور آرمی چیف کی محنت اور کاوشوں کا اس ترقی میں بڑا عمل دخل ہے ملکی ترقی کے لیے ہم سب کو مل کر کام کرنا ہے آخر ہم کب تک آئی ایم ایف پر انحصار کرتے رہیں گے موجودہ پروگرام کے لیے سعودی عرب چین اور اور متحدہ عرب امارات نے ہمارا بڑا ساتھ دیا ہے ہمیں آئی ایم ایف سے جان چھڑانے کے لیے اپنے ملک میں ٹیکس نیٹ کو بڑھانا ہوگا اور اس کے لیے کوششیں کی جا رہی ہیں کھربوں روپے کے ٹیکس اور بجلی چوری کو ہمیں ہر حال میں روکنا ہے ہمارے آٹھ ماہ کے دور حکومت میں کوئی کرپشن یا فراڈ سامنے نہیں آیا اس دوران اندرونی اور بیرونی دشمنوں کو ہم نے کسی قسم کا کوئی موقع ہاتھ نہیں آنے دیا عوامی خدمت اور اور گڈ گورننس کی یہ بہترین مثال ہے انہوں نے سندھ میں پولیو کے خاتمے کی کوششوں کو سراہتے ہوئے کہا کہ سندھ کی حکومت کی کوششیں قابل تحسین ہیں اسی طرح زرعی ٹیکس کے نفاذ کے لیے پنجاب کے وزیراعلی نے پہل کی ہے اور کے پی کے کی کابینہ نے بھی اس کی منظوری دے دی ہے امید کی جاتی کہ جلد بلوچستان اور سندھ بھی اس پر عمل کریں گے
وزیراعظم پاکستان نے کہا کہ ملک کے اندر کھربوں ڈالر کے معدنی ذخائر موجود ہیں ہمارا ملک معدنی وسائل سے مالا مال ہے ریکوڈک اور چنیوٹ منصوبے پر غیر ضروری مقدمہ بازی کی وجہ سے اربوں روپے کا نقصان ہوا ملک اس طرح کی حرکتوں کا متحمل نہیں ہو سکتا ہمیں یک جان ہونا پڑے گا یہ یکام مشکل لیکن ناممکن نہیں ہے
انہوں نے کہا کہ جب جاپان اور جرمنی تباہی کہ 50 سال بعد بھی محنت کر کے ترقی کی بلندیوں کو چھو سکتے ہیں تو پھر ہم کیوں نہیں؟ میری دعا ہے کہ آئی ایم ایف کا یہ آخری پروگرام ہو اور ملک مضبوط اور ترقی یافتہ ہو تاکہ دشمن کی میلی آنکھ ہمارے وطن کی طرف نہ اٹھ سکے
وزیراعظم نے کہا کہ آئی پی پیز سے ٹاسک فورس کی کاوشوں کے متعلق معاملات طے ہوئےہیں مزید ایک گروپ سے بات چیت حتمی مراحل میں ہے
انہوں نے کہا کہ ہمارے ملک میں ہر موقع پر دھرنا دے دیا جاتا ہے جلسے جلوس کچھ دیر بعد بھی ہو سکتے ہیں ٹھنڈے دماغ سے سوچنے اور فیصلہ کیجیے کہ ہمیں لانگ مارچ کرنے ہیں یا ترقی کرنی ہے