وفاقی وزیر خزانہ محمد اورنگزیب کا کہنا ہے کہ تنخواہ دار طبقے اور مینوفیکچرڈ پر اضافی بوجھ نہیں ڈالا جاسکتا‘ رئیل اسٹیٹ ‘زراعت اور ہول سیلرز سمیت تمام شعبوں کو ٹیکس نیٹ میں لانا ہوگا
آئی ایم ایف اور دیگر عالمی مالیاتی اداروں نے بھی اس بات کی تعریف کی کہ 14 ماہ میں ایک ملک کس طرح ان خساروں کو سر پلس میں لے کر آیا اور کس طرح اپنے اہداف کو حاصل کیا
انہوں نےمزید کہا کہ اس عالمی مالیاتی فنڈ کے ساتھ مثبت مذاکرات کے باوجود ہم چین سے نہیں بیٹھیں گے ‘معیشت کے ساتھ ساتھ ہمیں میثاق ماحولیات پر بھی دستخط کرنا ہوں گے‘یہ آئی ایم ایف کا نہیں بلکہ پاکستان کا اپنا پروگرام ہے ہماری معیشت مستحکم ہورہی ہے اور وزیراعظم جلد معاشی روڈ میپ دیں گے‘ ہمیں چاروں وزراء اعلیٰ نے بھی معیشت کی بہتری کے لیے تعاون کا یقین دلایا ہے‘
ملکی بہتری کیلئے ہم سب کو مل کر کام کرنا ہو گا‘ہم ملک کو واپس کسی بدتر صورتحال پر نہیں لے جانا چاہتے جہاں کہ وہ اس سے پہلے پہنچ گیا تھا‘ حکومتی اقدامات کے باعث مہنگائی اور شرح سود میں کمی آگئی ہے ہم معیشت کی بہتری کیلئے مقررہ اہداف حاصل کریں گے نیز تمام شعبوں میں اصلاحات جاری رہیں گی ہم ملکی مفاد کے خلاف کوئی کام نہیں کریں گے
گزشتہ روز انہوں نے
اپنے چارٹر آف اکانومی اور چارٹر آف انوائرمنٹ پر بیک وقت دستخط کرنے کا مطالبہ بھی کیا ہے
انہوں نے کہا کہ رئیل اسٹیٹ ‘ہول سیلرز کے علاوہ زراعت سے آمدنی حاصل کرنے والوں اور دیگر ہر ایک کو ٹیکس نیٹ میں آنا ہوگا کیونکہ اسے تنخواہ دار اور مینوفیکچرڈ طبقے سے زیادہ وصول نہیں کیا جا سکتا
اپنی تقریر کے دوران وزیر خزانہ نے کہا کہ مقداری اور معیاری اہداف کے متعلق آئی ایم ایف کے ساتھ کیے گئے تمام وعدے شفاف ہیں اور آئی ایم ایف کی ویب سائٹ پر موجود بھی ہیں
انہوں نے کہا کہ پاکستان کا پروگرام آئی ایم ایف کی طرف سے منعقد کیا جاتا ہے،وہ اس کی حمایت کرتا ، مدد کرتا اور فنڈ فراہم کرتا ہے اور گزشتہ ہفتے آئی ایم ایف کے دورہ پاکستان میں کوئی بھی خفیہ بات نہیں تھی جو زیر بحث آتی
آئی ایم ایف کے وفد نے ٹیکس اصلاحات، توانائی اصلاحات، ایس او ایز اصلاحات اور پبلک فنانس پر بھی تبادلہ خیال کیا
انہوں نے کہا کہ اس میں کوئی تعجب کی بات نہیں اور میں آئی ایم ایف کے اس دورے کا خیر مقدم کرتا ہوں ابھی بھی بات چیت جاری ہے بات چیت باہمی اعتماد کے فروغ میں اضافہ کرتی ہے۔
انہوں نے کہا کہ قومی مالیاتی معاہدہ ستمبر 2024کے آخر تک نافذ ہو گا
انہوں نے کہا کہ حکومت نے پبلک فنانس کے تحت رائٹ سائزنگ کا اپنا منصوبہ شیئر کیا نیز مقصد کے حصول کا روڈ میپ بھی آئی ایم ایف کے ساتھ زیر بحث رہا
انہوں نے ایگریکلچر انکم ٹیکس (اے آئی ٹی) کی پیروی کی اور اس ایجنڈے کو آگے بڑھانے کے لیے چاروں وزرائے اعلیٰ کا شکریہ ادا کیا۔ نیز انہوں نے کہا کہ پاکستان نے ایک مرتبہ پھر آئی ایم ایف سے موسمیاتی فنانسنگ کی درخواست کی ہے اور کہا کہ اے ڈی بی پہلے ہی موسمیات کے حوالے سے 500ملین ڈالر کا قرضہ دے چکا ہے
انہوں نے کہا کہ موسمیاتی ایمرجنسی اور فضائی آلودگی ہمارے سامنے موجود اہم مسائل ہیں
انہوں نے کہا کہ جڑواں خسارے سر پلسز میں تبدیل ہو گئے اور کثیر جہتی اور دو طرفہ شراکت داروں کی طرف سے پیغامات بھی موصول ہونے