مچلز فروٹ فارمز لمیٹڈ (ایم ایف ایف ایل) کی طرف سے اس کے اکثریتی حصص کی فروخت کے اعلان کےکچھ گھنٹوں بعد ہی سی سی ایل فارماسوٹیکلز کے ماتحت ادارے سی سی ایل ہولڈنگ (پرائیویٹ) لمیٹڈ نے 50 فیصد حصص حاصل کرنے اور فارم اور کنفیکشنری مصنوعات کے پاکستانی مینوفیکچررز میں کنٹرولنگ دلچسپی کا اعلان کر دیا ہے
سی سی ایل ہولڈنگ (پرائیویٹ) لمیٹڈ کی طرف سے آفر کے لیے منیجر مقرر کیے گئے ہیں عارف حبیب لمیٹڈ نے بدھ کے دن پاکستان اسٹاک ایکسچینج (پی ایس ایکس) کو اپنے نوٹس میں اس پیش رفت سے بھی آگاہ کیا
نوٹس کے مطابق خریدار کی طرف سے کہا گیا کہ ہم پی اے آئی کو مچلز فروٹ فارمز لمیٹڈ کے ووٹنگ حصص اور کنٹرول خریدنے کے لیے پیش کرنے پر خوش ہیں۔
سی سی ایل ہولڈنگ نے اے ایچ ایل کی طرف سے جاری کیے گئے نوٹس میں کہا کہ وہ ایم ایف ایف ایل میں حصص اور کنٹرول حاصل کرنے کا ارادہ رکھتی ہے۔
کمپنی کے بیان میں مزید کہا گیا ہے کہ بقیہ 50 فیصد ووٹنگ شیئرز کے لیے پبلک آفر لسٹڈ کمپنیز (ووٹنگ شیئرز کا خاطر خواہ حصول اور ٹیک اوور) ریگولیشنز 2017 کے ریگولیشن 14 کے مطابق ہو گا
کمپنی کا کہنا ہے کہ اس مرحلے پر حاصل کیے جانے والے حصص کی تعداد اور فیصد کا مکمل تعین نہیں کیا جاسکتا
سی سی ایل ہولڈنگ ایک مکمل ملکیتی ماتحت ادارے، سی سی ایل فارماسیوٹیکل (پرائیویٹ) لمیٹڈ کی ایک ہولڈنگ کمپنی ہے، جو بنیادی طور پر برانڈڈ جنرک فارماسیوٹیکل اور کنزیومر ہیلتھ پروڈکٹس کی مینوفیکچرنگ اور مارکیٹنگ میں مشغول ہے
مچلز فروٹ فارمز لمیٹڈ (ایم ایف ایف ایل) نے بدھ کو ایکسچینج کو جاری ایک نوٹس میں کہا کہ کمپنی کے 40 فیصد سے زائد حصص کے حامل شیئر ہولڈرز اسٹریٹجک آپشنز پر غور کر رہے ہیں، جس میں ان کے پورے حصص کی فروخت بھی شامل ہے
نوٹس میں یہ بھی کہا گیا ہے کہ کمپنی کے جاری کردہ حصص کے سرمائے کا مجموعی طور پر 40.63 فیصد حصص رکھنے والی سیدہ میمنت محسن اور سیدہ متانت غفار کمپنی میں اپنی سرمایہ کاری سے متعلق مختلف اسٹریٹجک آپشنز پر بھی غور کر رہی ہیں جس میں کمپنی میں ان کے پورے حصص کی ممکنہ فروخت بھی شامل ہے