برطانوی ڈپلومیٹک پولیس کا پاکستانی ہائی کمیشن کا دورہ

برطانوی ڈپلومیٹک پولیس سابق چیف جسٹس قاضی فائز عیسیٰ کی گاڑی پر مبینہ حملے کے معاملے پر پاکستانی ہائی کمیشن پہنچ گئی۔
برطانوی ڈپلومیٹک پولیس کے دورے کے وقت پاکستانی عملے نے سابق چیف جسٹس کی گاڑی پر مبینہ حملے کے معاملے سے متعلق بریفنگ دیتے ہوئے کہا کہ سابق چیف جسٹس قاضی فائز عیسیٰ اس وقت ہائی کمیشن کی گاڑی میں موجود تھے۔
ذرائع کا کہنا ہے کہ برطانوی ڈپلومیٹک پولیس نے پاکستانی ہائی کمیشن کو اس واقعے کی مکمل تحقیقات کرنے کی یقین دہانی کرائی ہے
ذرائع کے مطابق ہائی کمیشن کے افسران سے ڈپلومیٹک پولیس کے وفد نے جمعے کے روز ملاقات کی تھی
یاد رہے کہ لندن میں پاکستانی ہائی کمیشن نے بغیر کسی کو نامزد کیے سابق چیف جسٹس قاضی فائز عیسیٰ پر حملے کے واقعے سے متعلق باضابطہ طور پر تحریری شکایت درج کروائی تھی
پاکستانی ہائی کمیشن کی شکایت کے متعلق تصدیق کرتے ہوئے اسکاٹ لینڈ یارڈ نے کہا کہ سابق چیف جسٹس پاکستان پر حملے سے آگاہ ہیں چونکہ یہ واقعہ سٹی آف لندن میں پیش آیا جہاں کی پولیسنگ سٹی آف لندن کی ذمہ داری ہے