اٹک ریفائنری لمیٹڈ (اے ٹی آر ایل) نے فروخت کے ممکنہ منصوبے کی افواہوں کو مسترد کرتے ہوئے کہا ہے کہ ”ایسا کوئی بھی معاملہ زیر غور نہیں ہے“۔
ریفائنری نے آج پاکستان اسٹاک ایکسچینج میں ایک فائلنگ میں اپنے اسٹیک ہولڈرز کو آگاہ کیا ہے کہ ہم ان حالیہ سوالات کے جوابات دینا چاہتے ہیں جو کمپنی کے کارپوریٹ بریفنگ سیشن میں 8 نومبر 2024 کو بعض شیئر ہولڈرز/تجزیہ کاروں کی طرف سے اٹک ریفائنری لمیٹڈ (اے آر ایل) کی ممکنہ فروخت کے حوالے سے مارکیٹ میں گردش کرنے والی افواہوں کے بارے میں کیے گئے تھے اے ٹی آر ایل نے ایک نوٹس کے ذریعے کہا کہ ہم واضح کرنا چاہتے ہیں کہ ایسا کوئی بھی معاملہ زیر غور نہیں ہے
8 نومبر کو ہونے والے کارپوریٹ بریفنگ سیشن کے دوران، اے ٹی آر ایل کی مینجمنٹ نے واضح اشارہ دیا کہ کمپنی نئی ریفائنری پالیسی پر دستخط کر نےکے لیے تیار ہے۔
تاہم فنانس ایکٹ 2024 میں سیلز ٹیکس ایکٹ 1990 (پٹرولیم مصنوعات پر ٹیکس چھوٹ) میں کچھ تبدیلیاں کی گئی ہیں جو کہ کمپنی کی مراعات کو متاثر کرسکتی ہیں اور ان کے باعث لاگت میں اضافہ ہوسکتا ہے (آؤٹ پٹ ٹیکسز کے مقابلے میں ان پٹ ٹیکس ایڈجسٹمنٹ نہیں کی گئی)۔ عارف حبیب لمیٹڈ (اے ایچ ایل) نے اپنے ایک تبصرے میں کہا کہ اسی لئے معاملے کے حل تک دستخط کرنے میں تاخیر کی گئی ہے۔
ریفائنری نے یہ بھی انکشاف کیا ہے کہ حکومت نے اس مسئلے کو فوری طور پر حل کرنے کا عہد کیا ہے۔ انتظامیہ کا یہ بھی ماننا ہے کہ یہ مسئلہ ایک ہفتے (10 نومبر 24 سے 15 نومبر) کے اندر حل ہونے کا قوی امکان ہے
اٹک ریفائنری کو 8 نومبر 1978 کو ایک پرائیویٹ لمیٹڈ کمپنی کے طور پر پاکستان میں شامل کیا گیا تھا اور 26 جون 1979 کو اسے پبلک کمپنی میں بدل دیا گیا تھا۔ یہ بنیادی طور پر خام تیل کی ریفائننگ کرتی ہے۔
یہ کمپنی اٹک آئل کمپنی لمیٹڈ، انگلینڈ کا ایک ماتحت ادارہ ہے اور اس کی حتمی پیرنٹ کورل ہولڈنگ لمیٹڈ ہے