میڈیا ذرائع کے مطابق حکومت کی توانائی ٹاسک فورس اور 1994 اور 2002 کی پاور پالیسیوں کے تحت قائم 17انڈیپنڈنٹ پاور پروڈیوسرز (آئی پی پیز) نے راولپنڈی میں دو ہفتوں سے زائد جاری سخت مذاکرات کے بعد ہائبرڈ ”ٹیک اینڈ پے“ ماڈل پر اتفاق کا اظہار کیا ہے۔

ٹاسک فورس کی قیادت وزیر برائے توانائی سردار اویس خان لغاری کے سپرد ہے ہیں، جس میں وزیر اعظم کے معاون خصوصی برائے توانائی محمد علی، نیشنل کوآرڈینیٹر لیفٹیننٹ جنرل محمد ظفر اقبال، نیپرا کے چیئرمین، سی ای او سی پی پی اے-جی، پی پی آئی بی کے منیجنگ ڈائریکٹر اور نیپرا، سی پی پی اے-جی اور ایس ای سی پی کے ماہرین بھی شامل ہیں، جو 1994 اور 2002 کی پاور پالیسیوں کے تحت آئی پی پیز کے ساتھ مذاکرات میں شامل ہیں۔

تاہم حکومت یا آئی پی پیز کے نمائندوں نے دستخط کرنے والی آئی پی پیز کی تعداد کی تصدیق نہیں کی۔ پچھلے ہفتے حکومت نے تصدیق کی تھی کہ 17 میں سے 11 آئی پی پیز نے نظر ثانی شدہ معاہدوں پر بھی دستخط کیے ہیں۔

گزشتہ روز جب 17 آئی پی پیز کے ساتھ نظرثانی شدہ معاہدے کی تصدیق جاری کی گئی، تو ٹاسک فورس کے ایک رکن نے انکار کیا اور کہا، ”نہیں، نہیں“ اور وعدہ کیا کہ وہ اگلے ہفتے اس کی وضاحت کریں گے۔

کچھ آئی پی پیز نے غیر رسمی طور پر شکایت کی ہے کہ بعض حکومتی عہدیداروں نے جو ٹاسک فورس کی حمایت کر رہے ہیں، ان کے ساتھ سخت ترین رویہ اختیار کیا ہے۔ حکومت کا اندازہ ہے کہ اس معاہدے سے 200-300 ارب روپے کی بچت بھی ہو سکتی ہے۔ دونوں فریقوں کی قانونی ٹیموں نے تجویز کردہ نظرثانی شدہ پاور پرچیز ایگریمنٹس (پی پی ایز) اور امپلیمنٹیشن ایگریمنٹس (آئی ایز) پر اپنے خیالات کا تبادلہ بھی کیا، جو اب کابینہ سے منظوری کے بعد نیپرا کے ذریعے نئے ٹیرف کا تعین کرنے کے لیے پیش کیے جائیں گے۔

پی پی آئی بی کی ویب سائٹ کے مطابق، ہر آئی پی پی کی انفرادی پیداواری صلاحیت مختلف ہے جن کے ساتھ مذاکرات شروع کیے گئے ہیں:

آزاد کشمیر کے مختلف اضلاع میں احتجاج اور جلسے جلوس پر پابندیاں عائد کرنےسے متعلق صدارتی آرڈیننس کے خلاف عوامی ایکشن کمیٹی کی کال پر شٹر ڈاؤن ہڑتال کی جا رہی ہے۔

عوامی ایکشن کمیٹی کی اپیل پر مظفر آباد، میر پور، باغ، برنالہ اور اٹھ مقام اور نیلم سمیت وادی آزاد کشمیر کے مختلف علاقوں میں بازار، دکانیں، ہوٹل، ڈیری شاپس، ریستوران، میڈیکل اسٹور اور دیگر تعلیمی ادارے بھی بند ہیں۔

بین الاضلاعی اور پاکستان کے مختلف صوبوں کے لیے جانے والی ٹریفک بھی معطل ہے، مضافاتی علاقوں میں بھی ہڑتال جاری ہے اور وہاں بھی تعلیمی ادارے بند اور ٹریفک معمول سے بہت کم ہے۔

نیز آزاد کشمیر سپریم کورٹ نے حکومت کا متنازع صدارتی آرڈیننس معطل کردیا
آزادکشمیر میں صدارتی آرڈیننس کیخلاف مظاہرہ کرنے والے 5 افراد گرفتار کر لیے گئے ہیں
واضح رہے کہ حکومت آزاد کشمیر نے ایک ماہ قبل صدارتی آرڈیننس کے ذریعے احتجاجی جلسے، جلوس، مظاہروں پر پابندی لگائی گئی تھی، صدارتی آرڈیننس کی خلاف ورزی پر 7 سال تک قید کی سزا بھی مقرر کی گئی ہے۔

عوامی ایکشن کمیٹی کا بیان ہے کہ صدارتی آرڈیننس کے خلاف آزاد کشمیر میں احتجاجی مظاہروں کے دوران درجنوں شہری گرفتار ہوئے ہیں، عوامی ایکشن کمیٹی نے 5 دسمبر سے آزاد کشمیر میں غیر معینہ مدت کی ہڑتال کی کال دے دی تھی۔

عوامی ایکشن کمیٹی کی درخواست پر شٹر ڈاؤن ہڑتال کے اعلانات آزاد کشمیر کے مختلف علاقوں کی جامعہ مساجد سے بھی کروائے گئے۔

آزاد جموں و کشمیر سپریم کورٹ ایک دن قبل صدارتی آرڈیننس کو عارضی طور پر بھی معطل کر چکی ہے۔