اسلام آباد میں پی ٹی آئی کے احتجاجی قافلے کی پیش رفت اور موجودہ صورتحال نے سیاسی ماحول کو انتہائی کشیدہ بنا دیا ہے۔ بشریٰ بی بی اور علی امین گنڈاپور کی قیادت میں پی ٹی آئی کا مرکزی قافلہ اسلام آباد کے قریب برہان کے علاقے میں پہنچ چکا ہے۔ تاہم، پارٹی رہنماؤں کے مطابق بشریٰ بی بی کی گاڑی علی امین گنڈاپور کے پیچھے ہے، لیکن دونوں کی موجودگی کی تصدیق نہیں ہو سکی، اور اطلاعات کے مطابق وہ احتجاج کی سرگرمیوں سے رفوچکر ہو چکے ہیں۔

احتجاج میں شرکت کے لیے پی ٹی آئی کے کارکنوں پر مختلف شہروں میں کریک ڈاؤن جاری ہے، جس میں کئی اہم رہنما اور کارکنوں کو گرفتار کیا جا چکا ہے۔ ان میں عامر ڈوگر، زین قریشی، معین ریاض، ایم پی اے بشارت ڈوگر اور دیگر 400 سے زائد افراد شامل ہیں۔

پشاور سے اسلام آباد کی جانب پی ٹی آئی کا احتجاجی قافلہ غازی بروتھا پہنچنے کے بعد، راولپنڈی اور اسلام آباد میں سیکیورٹی انتظامات کو ہائی الرٹ کر دیا گیا ہے۔ اسلام آباد کے آئی جی علی ناصر رضوی نے اس بات کا عندیہ دیا ہے کہ کسی بھی شرانگیزی سے نمٹنے کے لیے فورسز مکمل طور پر تیار ہیں

سپارکو کمپنی نے 2028 میں چینی چانگ ای 8 مشن کے ذریعے روور مشن میں شراکت داری کا اعلان کیا ہے
سپارکو کا یہ روور، جس کا وزن تقریباً 35 کلوگرام ہے، چین کے چانگ ای 8 مشن کا ایک اہم حصہ ہوگا، جو کہ بین الاقوامی قمری تحقیقاتی اسٹیشن (ILRS) منصوبے کا ایک حصہ ہے
یہ روور چاند کے جنوبی قطب پر اترے گا،چاند کا یہ جنوبی قطب اپنی دشوار گزار زمین اور ممکنہ سائنسی دریافتوں کے باعث خصوصی اہمیت کا حامل ہے
روور کے اس مشن کابنیادی مقصد چاند کی سطح کا مطالعہ کرنا، سائنسی تحقیق کرنا اور مستقبل کے قمر اور سیاروں کی کھوج کے لیے جدید ٹیکنالوجیز کا تجربہ کرنا ہے
اس مشن میں مختلف سائنسی تجربات بھی کیے جائیں گے، جن میں چاند کی مٹی کا مطالعہ، چاند کی سطح کا نقشہ بنانا، اور چاند پر انسانوں کی پائیدار موجودگی کے لیے نئی ٹیکنالوجیز کی آزمائش شامل ہے
سپارکو کا یہ روور انتہائی جدید ترین سائنسی آلات سے لیس ہوگا، جو کہ اہم ڈیٹا اکٹھا کرنے میں معاون و مددگار ثابت ہوگا،اور یہ آئندہ
مستقبل کے قمری مشنز کی راہ بھی ہموار کرے گا
ترجمان سپارکو کا کہنا ہے کہ چین کے ساتھ یہ تعاون دونوں ممالک کے مضبوط دو طرفہ تعلقات اور خلائی تحقیق کے مشترکہ وژن کو اجاگر کرتا ہے،