فیروز خان ایک باصلاحیت پاکستانی ٹیلی ویژن اور فلمی اداکار ہیں جنہوں نے “خانی”، “عشقیہ”، “خدا اور محبت”، “رومیو ویڈز ہیر” اور “حبس” جیسے مشہور ڈراموں میں شاندار کامیابی حاصل کی ہے۔

فیروز خان کی پہلی شادی سیدہ علیزہ سے ہوئی تھی، لیکن کچھ وقت بعد دونوں نے علیحدگی اختیار کر لی۔ علیزہ سے ان کے دو بچے بھی ہیں۔ اب فیروز خان نے ڈاکٹر زینب سے شادی کر لی ہے اور وہ ایک خوشحال ازدواجی زندگی گزار رہے ہیں۔

حال ہی میں، فیروز خان نے برطانیہ میں ایک ایوارڈ تقریب میں شرکت کے بعد میڈیا سے بات چیت کی۔ اس دوران انہوں نے اپنی جیون ساتھی ڈاکٹر زینب سے ملنے کا واقعہ بھی شیئر کیا۔

اپنی اہلیہ سے ملاقات کے بارے میں بات کرتے ہوئے، اداکار نے کہا، “میں نے آپ کو بتایا تھا کہ وہ میری ڈاکٹر تھیں، وہ میرے دل کی ڈاکٹر (تھراپسٹ) تھیں، اور اب وہ میرے بلوں کی ڈاکٹر ہیں۔”

انہوں نے مزید کہا، “زینب ایک خوبصورت لڑکی ہے، ماشاءاللہ، اور میں بہت خوش ہوں کہ اللہ نے مجھے اتنا خوبصورت ساتھی دیا ہے۔ وہ ہر اچھے اور بُرے وقت میں میرے ساتھ رہتی ہے۔”

فیروز خان کے مداح ان کی خوشیوں میں شریک ہیں اور ان کے لیے نیک خواہشات کا اظہار کر رہے ہیں، جبکہ کچھ لوگ ان کے بیانات پر تنقید بھی کر رہے ہیں۔

بالی ووڈ کے سُپر اسٹار عامر خان نے کافی عرصے سے اپنے دوست سلمان خان کے ساتھ کسی فلم میں کام نہیں کیا، لیکن حال ہی میں ایک انٹرویو میں دونوں نے ایک دوسرے کے بارے میں کھل کر بات چیت کی۔

سلمان خان کی نئی فلم “سکندر” 30 مارچ کو سینما گھروں میں ریلیز ہونے والی ہے۔ اس فلم کی پروموشنز کے دوران ایک پروگرام “سکندر میٹس گجنی” میں عامر خان بھی موجود تھے۔

یاد رہے کہ “گجنی” عامر خان کی ایک بلاک بسٹر فلم تھی، اور سلمان خان کا دعویٰ ہے کہ ان کی فلم “سکندر” بھی زبردست کامیابی حاصل کرے گی۔

اس پروگرام میں سلمان خان اور عامر خان نے اپنی پرانی یادیں تازہ کیں اور دلچسپ چٹکلوں سے حاضرین کو محظوظ کیا۔

اسی دوران، عامر خان نے صاف صاف کہا کہ سلمان خان ان سے بہتر اداکار ہیں۔

اس پر “سکندر” کے ہدایتکار نے فوراً کہا کہ سلمان خان جذباتی مناظر، خاص طور پر رونے والے مناظر میں، کافی مہارت رکھتے ہیں۔

سلمان خان نے اپنے ہدایتکار کی بات کا جواب دیتے ہوئے کہا کہ یہ سب آپ کی وجہ سے ہے، سر۔ میں آپ کو دیکھتا تھا اور سوچتا تھا، ‘ارے خدا! یہ آدمی کمال کر رہا ہے، اس کے کندھوں پر پورا “سکندر” کا بوجھ ہے، اور پھر اسے اپنی بیوی اور بچے کے پاس واپس جانا ہے اور پھر دوبارہ سیٹ پر آنا ہے۔’ اور پھر یہ بندہ مجھے بھی برداشت کرے گا۔