بالی ووڈ کی معروف سینئر اداکارہ مادھوری ڈکشٹ اور ان کے شوہر ڈاکٹر شری رام نے ایک اور قیمتی گاڑی خریدی ہے، جس کی ویڈیوز سوشل میڈیا پر تیزی سے پھیل رہی ہیں۔

بھارتی میڈیا کے مطابق ایک ویڈیو میں مادھوری ڈکشٹ کو نئی چمکدار لال رنگ کی فراری گاڑی میں اپنے شوہر کے ساتھ گھر جاتے ہوئے دیکھا گیا ہے۔ یہ خاص گاڑی صرف 14 رنگوں میں دستیاب ہے اور اس کی قیمت 6 کروڑ بھارتی روپے سے زیادہ بتائی جا رہی ہے۔ اس خوبصورت اور لگژری گاڑی کی قیمت نے مداحوں کو بھی حیران کر دیا ہے، جو اس پر دلچسپ تبصرے کر رہے ہیں۔

رپورٹس کے مطابق 57 سالہ اداکارہ مادھوری ڈکشٹ کے پاس اس کے علاوہ بھی کئی مہنگی گاڑیاں موجود ہیں۔ مزید یہ کہ انہوں نے ایک دفتر کرائے پر دے رکھا ہے، جس سے وہ ہر ماہ 3 لاکھ روپے کرایہ وصول کرتی ہیں۔

پاکستانی اداکارہ نیلم منیر کی دبئی میں شادی کی تصاویر سال نو کے آغاز پر سوشل میڈیا پر وائرل ہوئیں، اور اب ان کے شوہر کے بارے میں دلچسپ تفصیلات سامنے آئی ہیں۔

نیلم کے دیور ثمر رانجھا نے ایک نجی میڈیا چینل سے بات کرتے ہوئے بتایا کہ ان کے بھائی محمد راشد کا تعلق میانوالی، پاکستان سے ہے اور وہ 2006 سے دبئی میں رہائش پذیر ہیں۔ وہاں ان کا ٹریول اینڈ ٹورازم کا کاروبار اور 3 سے 4 ریسٹورنٹس ہیں۔

ثمر نے مزید کہا، “بھائی اور نیلم کی پہلی ملاقات دبئی کے ایک ریسٹورنٹ میں ہوئی۔ پھر اسنیپ چیٹ پر بات چیت کا آغاز ہوا اور دونوں میں محبت پروان چڑھ گئی۔ دو ڈھائی سال کے تعلق کے بعد انہوں نے شادی کر لی۔”

شادی اور ولیمہ دبئی میں منعقد ہوا، جس میں صرف قریبی رشتہ دار شامل ہوئے۔ ثمر نے بتایا، “نیلم نے مجھے سلامی میں گولڈ کی چین اور موبائل تحفے میں دیا، جبکہ میں نے انہیں 8 سے 9 لاکھ روپے کا بریسلیٹ دیا۔ پاکستان واپسی پر میانوالی میں بھی ولیمہ ہوگا۔”

دیور نے مزید انکشاف کیا کہ نیلم منیر اخلاقی طور پر بہت اچھی ہیں اور ان کی فیملی کے ساتھ اچھے تعلقات ہیں۔

یہ بھی یاد رہے کہ یوٹیوبر یاسر شامی نے دعویٰ کیا تھا کہ نیلم منیر کے شوہر دبئی پولیس کے سی آئی ڈی ڈپارٹمنٹ میں کام کرتے ہیں، جہاں ان کی تنخواہ تجربے کے لحاظ سے 13 ہزار سے 22 ہزار درہم (تقریباً 10 سے 17 لاکھ پاکستانی روپے) تک ہو سکتی ہے۔