Connect with us

سیاست

مہنگائی شرح میں بتدریج کمی آ رہی :عطا تارڑطلب کے مطابق نوجوانوں کو فنی تعلیم سے آراستہ کرنا ہوگا

اسلام آباد (سپیشل رپورٹر)وفاقی وزیر اطلاعات و نشریات عطا اللہء تارڑ نے کہاہے کہ مہنگائی کی شرح میں بتدریج کمی آ رہی ہے،دنیا کی طلب کے مطابق نوجوانوں کو فنی تعلیم سے آراستہ کرنا ہوگا۔

Published

on

عطاءاللہ تارڑ

اسلام آباد (سپیشل رپورٹر)وفاقی وزیر اطلاعات و نشریات عطا اللہء تارڑ نے کہاہے کہ مہنگائی کی شرح میں بتدریج کمی آ رہی ہے،دنیا کی طلب کے مطابق نوجوانوں کو فنی تعلیم سے آراستہ کرنا ہوگا۔ میڈیا سے گفتگو کرتے ہوئے وزیراطلاعات نے کہاکہ آبادی کا بڑا حصہ نوجوانوں پر مشتمل ہے۔ وفاقی وزیر نے کہاکہ عالمی معیشت میں ہمارے نوجوانوں نے بڑاحصہ ڈالا ہے،ہنر مند افراد کی دنیا بھر میں مانگ ہے۔ وزیراطلاعات نے کہاکہ موجودہ حکومت میں معاشی اشاریے مثبت سمت میں چل رہے ہیں،مہنگائی کی شرح میں بتدریج کمی آ رہی ہے۔ انہوںنے کہاکہ تعلیم معاشرے اور معیشت میں ریڑھ کی ہڈی کی حیثیت رکھتی ہے،دنیا کی طلب کے مطابق نوجوانوں کو فنی تعلیم سے آراستہ کرنا ہوگا۔ وزیر اطلاعات نے کہاکہ ہماری توجہ نوجوانوں کو ہنر مند بنانے پر مرکوز ہے،نوجوانوں کو ہنر مند بنا کر عالمی معیشت میں فعال کردار ادا کر سکتے ہیں۔ انہوںنے کہاکہ حکومت کی توجہ ہمیشہ جدید تعلیم کے فروغ پر مرکو ز رہی ہے۔

مزید پڑھیں
تبصرہ کریں

Leave a Reply

Your email address will not be published. Required fields are marked *

news

الیکشن کمیشن نے پتن کے دھاندلی الزامات مسترد کر دیے

Published

on

الیکشن کمیشن نے پتن کی جانب سے جاری کردہ رپورٹ پر اپنا ردعمل دیتے ہوئے گزشتہ انتخابات میں ہیرا پھیری، جبر اور دھاندلی کے الزامات کو مسترد کر دیا ہے اور انہیں ملکی اداروں کو بدنام کرنے کی سازش قرار دیا ہے۔ ترجمان الیکشن کمیشن کے مطابق پتن کے ایک نمائندے کا انٹرویو اور پتن کی پریس ریلیز مکمل طور پر بے بنیاد اور حقائق کے منافی ہیں۔ اگر کسی کے پاس بے ضابطگیوں کا مواد موجود ہے تو انہیں چاہیے کہ وہ متعلقہ امیدواروں اور متاثرہ فریقین کو فراہم کریں تاکہ وہ ٹربیونلز کے سامنے پیش کر سکیں اور پٹیشنز پر قانون کے مطابق کارروائی ہو سکے۔
ترجمان ای سی پی نے اپنے بیان میں کہا کہ ریٹرننگ افسران سے موصول ہونے والے تمام فارم 46، 45 اور 47 کو الیکشن کمیشن نے بغیر کسی تبدیلی کے اپنی ویب سائٹ پر شائع کیا ہے، جو آج تک موجود ہیں۔ اس سلسلے میں متاثرہ فریقین نے اپنی الیکشن پٹیشنز قانون کے مطابق الیکشن ٹریبونلز میں دائر کی ہیں، جن کی سماعت جاری ہے اور کچھ ٹربیونلز نے فریقین کا مؤقف سننے کے بعد پٹیشنز پر فیصلے بھی کر دیے ہیں۔
الیکشن کمیشن کے ترجمان کا کہنا ہے کہ ووٹرز کا ٹرن آوٹ الیکشن کمیشن کی سالانہ اور پوسٹ الیکشن رپورٹ میں شامل ہے، جو قانون کے مطابق شائع کی جا رہی ہیں، جبکہ خواتین اور غیر مسلموں کی مخصوص نشستوں کے حوالے سے کسی قسم کا تبصرہ نہیں کیا گیا۔

جاری رکھیں

news

وزیر دفاع خواجہ آصف: پی ٹی آئی احتجاجی سیاست سے ملکی وقار متاثر کر رہی ہے

Published

on

خواجہ آصف

وزیر دفاع خواجہ آصف نے کہا ہے کہ آج یوم تعمیر و ترقی منایا جا رہا ہے اور پی ٹی آئی آج بھی فساد اور احتجاج کی سیاست کر رہی ہے۔ چیمپیئنز ٹرافی کے آغاز پر ہی احتجاج کا پروگرام بنایا گیا ہے، اور انہیں دوبارہ 9 مئی اور 26 نومبر جیسی صورتحال پیدا کرنے کی اجازت نہیں دی جائے گی۔ سیالکوٹ میں پریس کانفرنس کرتے ہوئے انہوں نے کہا کہ تحریک انصاف نے اپنے احتجاج کو عالمی سطح کے اسپورٹس ایونٹ کے ساتھ جوڑ دیا ہے تاکہ پاکستان کا امیج مزید خراب ہو۔

خواجہ آصف نے یہ بھی کہا کہ کاش قذافی اسٹیڈیم جیسی رونقیں پشاور میں بھی دیکھنے کو ملیں۔ جب بھی پاکستان کی عزت کا موقع آتا ہے، فسادی ٹولہ سر اٹھا لیتا ہے۔ انہوں نے ایس سی او کانفرنس کے دوران پی ٹی آئی پر فساد برپا کرنے کی کوشش کا الزام لگایا اور کہا کہ عالمی سطح پر پاکستان کے تعلقات میں اضافہ ہو رہا ہے، مگر پی ٹی آئی عالمی ایونٹس کی توقیر میں کمی کرنے کی کوشش کر رہی ہے۔

انہوں نے واضح کیا کہ پرامن احتجاج پر ہمیں کوئی اعتراض نہیں ہے، مگر گزشتہ 2 سال سے تحریک انصاف کی جو روایت رہی ہے، اس کے مطابق ہر احتجاج پرتشدد ہوتا ہے۔ سیاسی جماعتوں کو سیاسی اقدار اپنانی چاہئیں۔ ان کا کہنا تھا کہ آج خیبرپختونخواہ میں پی ٹی آئی کا جلسہ ہے، جہاں صوابی میں سرکاری مشینری اور وسائل کا بے دریغ استعمال کیا جا رہا ہے۔ اگر سیاسی روایات کے مطابق جلسے کیے جائیں تو کسی کو اعتراض نہیں ہونا چاہیے۔

جاری رکھیں

Trending

backspace
caps lock enter
shift shift
صحافت نیوز کی بورڈ Sahafatnews.com   « » { } ~