سیاست
عوام کو پتا ہے کس نے کام اور کس نے انتقام لیا، نااہلی کا اثر سب نے دیکھا اور بھگتا، مریم نواز
پاکستان مسلم لیگ (ن) کی سینئر نائب صد ر و چیف آرگنائزر مریم نواز نے کہا ہے کہ سیاسی مخالفین کو رلانے کی خواہش رکھنے والوں کی وجہ سے آج پورا پاکستان رو رہا ہ
لاہور( خصوصی نمائندہ ، ایجنسیاں)پاکستان مسلم لیگ (ن) کی سینئر نائب صد ر و چیف آرگنائزر مریم نواز نے کہا ہے کہ سیاسی مخالفین کو رلانے کی خواہش رکھنے والوں کی وجہ سے آج پورا پاکستان رو رہا ہے، عوام کو پتا ہے کس نے کام اور کس نے انتقام لیا، نااہلی کا اثر سب نے دیکھا اور بھگتا،8 فروری کو ووٹ صرف نوازشریف اور شیر کو ملے گا، ہر طرف شیر کی آواز ہوگی۔ ان خیالات کا اظہار انہوں نے پارٹی سیکرٹریٹ ماڈل ٹائون میں این اے 119 میں انتخابی مہم ٹیم کے اجلاس سے خطاب کرتے ہوئے کیا۔علاوہ ازیں قومی اسمبلی کے لاہور سے حلقہ این اے 119 کی نشست پر پی ٹی آئی امیدوار مسلم لیگ (ن) کی مریم نواز شریف کے حق میں دستبردار ہوگئے۔پی ٹی آئی کے ٹکٹ ہولڈر مہر محمد وسیم اپنے ہزاروں کارکنوں سمیت مسلم لیگ (ن) میں شامل ہوگئے۔ دوسری جانب سابق وزیراعلیٰ پنجاب حمزہ شہباز نے کہا کہ پی ٹی آئی نے نواز شریف سمیت ساری لیگی قیادت سے انتقام لیا،جھوٹے مقدمات پر جیلوں میں رکھا، ایک پائی کرپشن ثابت نہ ہوئی، 8 فروری کو انتخاب عوام کی تقدیر کا فیصلہ کریگا، ہم نے ملک کو بحران سے بچانے کیلئے اپنی سیاست داؤ پر لگائی۔مریم نواز نے پارٹی سیکرٹریٹ ماڈل ٹائون میں این اے 119 میں انتخابی مہم ٹیم کے اجلاس سے خطاب کرتے ہوئے کہا کہ این اے 119 کو کبھی نہیں چھوڑوں گی، اس حلقہ میں رہنے والے ہر فرد اور گھرانے کی ترقی میری ذمہ داری ہے، چھ سال ظلم وجبر کے دور میں آپ نے میرا ساتھ دیا، عاجزی سے کہتی ہوں کہ ملک وقوم کی خدمت کی ایک نئی تاریخ رقم کرنی ہے۔ اس موقع پر سینیٹر پرویز رشید، علی پرویز ملک، خواجہ عمران نذیر ، ملک وحید اور دیگر عہدیدار وں کے علاوہ کارکنوں اور خواتین کی بڑی تعداد شریک تھی۔مریم نواز نے کہاکہ 25 جنوری کو حلقہ این اے 119 میں آپ سے ملنے آئوں گی، ہر کارکن نواز شریف اور مریم نوازشریف ہے، میں اپنے آپ کو لیڈر نہیں سمجھتی ہوں، عوام کی خدمت کے لئے نکلی ہوں، ہر گھر کا دروازہ کھٹکھٹانا چاہتی ہوں، آپ سب میری ذمہ داری ہیں، نوازشریف کا ترقی کا پیغام ہر گھر تک پہنچائیں گے۔ انہوں نے کہا کہ جس جماعت میں اتنے شیر اور شیرنیاں ہوں، اسے کوئی فتح سے نہیں روک سکتا، اللہ تعالی مسلم لیگ (ن) 8 فروری کو ملک گیر فتح عطا فرمائے۔ علاوہ ازیں سابق وزیراعلیٰ پنجاب حمزہ شہباز نے کہا کہ پی ٹی آئی نے نواز شریف سمیت ساری لیگی قیادت سے انتقام لیا،جھوٹے مقدمات پر جیلوں میں رکھا،ایک پائی کرپشن ثابت نہ ہوئی۔لاہور این اے 118 میں انتخابی دفتر کے افتتاح کے موقع پرورکرز کنونشن سے خطاب کرتے ہوئے حمزہ شہباز نے کہا کہ عمران نیازی نے ملک کا دھڑن تختہ کردیا تھا ہم نےاپنی سیاست کو داؤ پر لگا کر ملک کو دیوالیہ ہونے سے بچایا اس کیلئے شہباز شریف نے دن رات محنت کی اگر ایسا نہ ہوتا تو ایسا نہ ہوتا تو پٹرول ایک ہزار روپے لیٹر ہوتا راشن کارڈ بنتے، روٹی کیلئے گھر گھر لڑائی ہوتی۔ حالات اب یہ ہیں کہ گیس اور بجلی کے بل نے ہر گھر میں پریشانی کا سماں پیدا کیا ہوا ہے۔ حمزہ شہباز نے مزید کہا کہ 8 فروری کا دن شیر کی فتح کا سورج طلوع ہوگا۔ حمزہ شہباز کا کہنا تھا کہ کسان کو مضبوط کرنا ہے تب ہی پاکستان خوشحال ہوگا حکومت آئی تو دیامر بھاشا ڈیم مکمل کرکے تحفہ دینگے۔ حمزہ شہباز نے کہا کہ 2 سال جھوٹے مقدمے میں جیل میں رکھا گیا عدالت میں نیازی ایک پائی کی کرپشن ثابت نہیں کرسکا۔ انہوں نے کہا کہ مہنگائی کے جن کو بوتل میں بند کرکے دم لیں گے۔ دریں اثناء قومی اسمبلی کے لاہور سے حلقہ این اے 119 کی نشست پر پی ٹی آئی امیدوار مسلم لیگ (ن) کی مریم نواز شریف کے حق میں دستبردار ہوگئے۔ پی ٹی آئی کے ٹکٹ ہولڈر مہر محمد وسیم اور ان کے ساتھیوں نے حلقے میں مریم نواز شریف کی حمایت کا اعلان کر دیا۔ مہر محمد وسیم نے اپنے ساتھیوں سمیت مسلم لیگ (ن) کی سینئر نائب صدر اور چیف آرگنائزر مریم نوازشریف سے ملاقات کی جس میں سینیٹر پرویز رشید، مریم اورنگزیب، علی پرویز ملک، خواجہ عمران نذیر اور دیگر رہنما بھی موجود تھے۔ہر محمد وسیم اور ان کے ساتھی 25 جنوری کو جلسے میں باضابطہ مسلم لیگ (ن) میں شمولیت کا اعلان کریں گے جبکہ مریم نواز شریف بھی 25 جنوری کو جلسے میں شرکت کریں گی۔
news
فواد چوہدری کا شعیب شاہین سے صلح کا دعویٰ، شعیب شاہین کا انکار
سابق وفاقی وزیر فواد چوہدری نے پی ٹی آئی رہنماء شعیب شاہین کے ساتھ صلح ہونے کا دعویٰ کیا ہے، لیکن شعیب شاہین نے اس دعوے کی تردید کرتے ہوئے صلح کرنے سے انکار کر دیا۔ فواد چوہدری نے کہا کہ ہم نے بانی پی ٹی آئی عمران خان کے کہنے پر صلح کی ہے۔ راولپنڈی کی اڈیالہ جیل کے باہر میڈیا سے گفتگو کرتے ہوئے انہوں نے بتایا کہ شعیب شاہین نے عمران خان کا نام لے کر انہیں بھگوڑا کہا ہے۔
جب انہوں نے اس بات کی تصدیق عمران خان سے کی تو انہوں نے کہا کہ ایسا کچھ نہیں کہا گیا۔ فواد چوہدری نے شعیب شاہین کو یہ بھی کہا تھا کہ وہ عمران خان کا نام لے کر ایسی باتیں نہ کریں۔ شعیب شاہین روزانہ انہیں ٹی وی پروگرامز اور سوشل میڈیا پر نشانہ بناتا رہتا ہے۔
فواد چوہدری نے مزید کہا کہ بانی پی ٹی آئی کے حکم پر یہ معاملہ ختم ہو چکا ہے اور ہم نے صلح کر لی ہے۔
جب ایک صحافی نے فواد چوہدری سے سوال کیا کہ کیا آپ نے خود ہی مکا مارا اور پھر خود ہی صلح بھی کر لی؟ تو انہوں نے جواب دیا کہ جب مکا مارا تھا تو صلح بھی مجھے ہی کرنی تھی۔ دوسری جانب، پاکستان تحریک انصاف کے رہنماء بیرسٹر شعیب شاہین نے کہا کہ وہ فواد چوہدری کو کبھی معاف نہیں کریں گے اور یہ کہ فواد جھوٹ بول کر گئے ہیں، انہوں نے ان سے کوئی صلح نہیں کی۔ اڈیالہ جیل کے باہر میڈیا سے گفتگو کرتے ہوئے انہوں نے یہ باتیں کیں۔
news
صدر آصف زرداری: چین کی ترقی دنیا کے لیے خطرہ نہیں
صدر مملکت آصف علی زرداری نے کہا ہے کہ چین کی ترقی دنیا کے لیے خطرہ نہیں ہے، اور چین کبھی بھی کسی دوسرے ملک کے اندرونی معاملات میں مداخلت نہیں کرتا۔ انہوں نے مزید کہا کہ چین کا عروج ایک مثبت پیشرفت ہے اور دنیا کے لیے اس کی ترقی بہت فائدہ مند ہے۔ پاکستان اور چین کی دوستی ہمیشہ قائم رہے گی۔ دورہ چین کے دوران سرکاری میڈیا کو دیے گئے انٹرویو میں صدر نے کہا کہ یہ دوستی صرف اچھے وقتوں تک محدود نہیں ہے بلکہ ہر حال میں برقرار رہے گی۔
چین کے ساتھ تعلقات پاکستان کی خارجہ پالیسی میں ایک اہم حیثیت رکھتے ہیں اور دونوں ممالک مل کر ترقی کی راہ پر گامزن ہیں۔ صدر آصف علی زرداری نے یہ بھی کہا کہ نہ صرف امن مذاکرات پر یقین ہے بلکہ چین کے ساتھ دوستی پر بھی اعتماد ہے۔ انہوں نے پاک چین تعلقات کو تاریخی اور نسلوں پر محیط قرار دیتے ہوئے کہا کہ دونوں ممالک قریبی ہمسائے ہیں اور ہر حال میں ایک دوسرے کے ساتھ کھڑے رہیں گے۔
چین کی تیز رفتار ترقی اور تبدیلی واقعی متاثر کن رہی ہے۔ وہاں ہر شخص اپنے کام میں مصروف ہے، جس سے اجتماعی طور پر چینی قوم کو فائدہ ہوتا ہے۔ گزشتہ چند دہائیوں میں چین کی ترقی نے سب کو متاثر کیا ہے۔ صدر نے کہا کہ ہم دہائیوں سے چین کے پڑوسی ہونے کے ناطے جانتے ہیں کہ چین دوسرے ممالک کے اندرونی معاملات میں مداخلت نہیں کرتا۔
- سیاست8 years ago
نواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
Pingback: پاک بحریہ کے جہاز پی این ایس معاون کا کینیا کا دورہ خیر سگالی