ایشا دیول نے اجے دیوگن کے ساتھ افیئر کی افواہوں پر اپنے خیالات کا اظہار کرتے ہوئے کہا کہ یہ سب کچھ واقعی عجیب تھا۔ حال ہی میں ایک انٹرویو میں، انہوں نے اپنے کیریئر کے ابتدائی دنوں میں مختلف اداکاروں کے ساتھ جوڑی بنائے جانے کے بارے میں بات کی، جن میں اجے دیوگن کا نام بھی شامل تھا۔

جب لیجنڈری اداکار دھرمیندر اور ہیما مالنی کی بیٹی ایشا دیول سے پوچھا گیا کہ ان کے بارے میں سب سے عجیب افواہ کون سی تھی، تو انہوں نے جواب دیا، “اس وقت میرا نام کئی اداکاروں کے ساتھ جوڑا گیا تھا۔ کچھ افواہیں شاید سچائی پر مبنی تھیں، لیکن زیادہ تر بے بنیاد تھیں۔ یہاں تک کہ میرا نام اجے دیوگن کے ساتھ بھی جوڑنے کی کوشش کی گئی۔”

انہوں نے مزید کہا، “اجے کے ساتھ میرا ایک بہت خوبصورت اور منفرد تعلق تھا، جو احترام، محبت اور تعریف پر مبنی تھا۔ اس افواہ نے مجھے واقعی عجیب محسوس کرایا۔”

ایشا دیول اور اجے دیوگن نے ماضی میں کئی فلموں میں ایک ساتھ کام کیا ہے، جن میں 2005 کی فلم “کال” بھی شامل ہے۔ یہ افواہیں شاید اس وجہ سے پھیلیں کہ وہ دونوں اس وقت کئی پروجیکٹس میں ایک ساتھ کام کر رہے تھے۔

اب، ایشا دیول 14 سال بعد فلمی دنیا میں واپسی کے لیے تیار ہیں، اور ان کی واپسی کے اعلان کے بعد ان کے مداح انہیں دوبارہ ایکشن میں دیکھنے کے لیے بے چین ہیں۔

معروف اداکارہ علیزے شاہ نے ناقدین کو ایک دلچسپ انداز میں جواب دیا ہے۔

تفصیلات کے مطابق، علیزے شاہ کی ایک ویڈیو سوشل میڈیا پر وائرل ہو رہی ہے، جس میں وہ اپنے ناقدین سے بات کر رہی ہیں۔

دیوار کے ساتھ ٹیک لگا کر بیٹھی علیزے نے ویڈیو میں کہا کہ “میں جتنا خاموش رہ سکتی تھی، رہ لی۔” پھر انہوں نے ایک غیر اخلاقی اشارہ کرتے ہوئے کہا، “اب میری بس ہوگئی ہے، لہذا اپنے کام سے کام رکھیں اور مجھے میری زندگی جینے دیں۔”

علیزے نے ویڈیو میں اپنے سپورٹرز کا شکریہ ادا کرتے ہوئے کہا، “میں ان لوگوں سے محبت کرتی ہوں جو اب بھی مجھ سے پیار کرتے ہیں۔”

یہ بات بھی قابل ذکر ہے کہ علیزے شاہ اپنی بولڈ تصاویر اور ویڈیوز کے لیے مشہور ہیں، جس کی وجہ سے انہیں سوشل میڈیا پر سخت تنقید کا سامنا کرنا پڑتا ہے۔

اس ویڈیو پر بھی کچھ صارفین نے انہیں تنقید کا نشانہ بنایا اور اخلاقیات کو برقرار رکھنے کا مشورہ دیا۔